काणकोण: काणकोण पालिकेच्या भाजी मार्केट सभोवती कचरा साचला असून गटारातील कचरा कुजून सर्वत्र दुर्गंधी पसरली आहे. येथील कचऱ्यावर गुरे ताव मारताना दिसत आहेत. याचा परिणाम या परिसरातील नागरिकांच्या आरोग्यावर होऊ शकतो तसेच. विक्रीसाठीचा भाजीपाला अपायकारक ठरु शकतो. त्यामूळे पालिकेने याकडे गांभिर्याने पाहणे आवश्यक आहे. (The stench reigns around the canacona municipal market )
पालिककडे कचरा उचल करण्यासाठी स्वच्छता कामगार आहेत. शिवाय कचरावाहू वाहनेही आहेत. मात्र, भाजी मार्केटमधील कचऱ्याची उचल होत नाही. अनेक वर्षाचा प्लास्टिक व अन्य कचरा शेजारच्या शेतामध्ये साचला आहे. खुल्या मार्केटमधून वाहणाऱ्या दोन गटारांमध्ये प्लास्टिक व अन्य कचरा कुजून मासळी व चिकन-मटन मार्केटमधील पाणी साचले आहे. त्यामुळे येथे प्रचंड दुर्गंधी पसरली आहे. कचऱ्यामुळे ही गटारे तुंबली आहेत.
ही गटारे पालिकेने स्वच्छ करावीत, अशी मागणी नगरसेवक धीरज नाईक गावकर यांनी केली असून ही बाब मुख्याधिकाऱ्यांच्या नजरेस आणून दिली असल्याचे त्यांनी सांगितले. पालिका वर्षाकाठी किमान 81 लाख रुपये घरोघर कचरा उचल करण्यासाठी कंत्राटदाराला देते. मात्र पालिका मार्केट कचरामुक्त करण्यास दिरंगाई करते, अशी खंत नाईक गावकर यांनी व्यकत केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
