प्रस्तर शिल्पाजवळ खाण चालविणाऱ्या संशयिताला जामीन नाकारला

उसगाळीमळ-रिवण येथे संरक्षित प्रस्तर शिल्पाजवळ बेकायदेशीर चिरेखाण चालविण्याचा आरोप असलेल्या कावरे-केपे येथील समीर फळदेसाई याने अटकपूर्व जामिनासाठी केलेला अर्ज दक्षिण गोव्याचे अतिरिक्त सत्र न्यायाधीश व्हिन्सेंट डिसिल्वा यांनी फेटाळून लावला.
Goa Crime News
Goa Crime NewsDainik Gomantak

मडगाव : उसगाळीमळ-रिवण येथे संरक्षित प्रस्तर शिल्पाजवळ बेकायदेशीर चिरेखाण चालविण्याचा आरोप असलेल्या कावरे-केपे येथील समीर फळदेसाई याने अटकपूर्व जामिनासाठी केलेला अर्ज दक्षिण गोव्याचे अतिरिक्त सत्र न्यायाधीश व्हिन्सेंट डिसिल्वा यांनी फेटाळून लावला.

या प्रकरणी केपे पोलिस त्याला अटक करण्याच्या प्रयत्नात असून, संशयित आम्हाला त्याचा घरी सापडला नाही, अशी माहिती केपेचे पोलिस निरीक्षक दीपक पेडणेकर यांनी दिली.

Goa Crime News
गोव्यात पावसामुळे ठिकठिकाणी झाडांची पडझड

याप्रकरणी खाण खात्याने केपे पोलिस ठाण्यावर तक्रार दिली होती. केपे पोलिस आपल्याला अटक करतील या भीतीपोटी फळदेसाई यांनी न्यायालयात आपल्याला जामीन देण्यात यावा, असा अर्ज केला होता.

ज्या जागी ही बेकायदेशीर खाण सुरू होती त्यापासून अवघ्या 100 मीटर अंतरावर उसगाळीमळ येथील प्रसिद्ध प्रस्तर शिल्पे असून, ही जागा युनेस्कोच्या वारसास्थळ यादीत समाविष्ट आहे. वृत्तपत्रांनी या खनिजकर्मावर आवाज उठविल्यानंतर मुंबई उच्च न्यायालयाने या वृत्ताची स्वेच्छा दखल घेत याचिका सुरू केली होती.

मडगावच्या अतिरिक्त सत्र न्यायाधीश व्हिन्सेंट डिसिल्वा यांच्या न्यायालयात या अर्जावर सुनावणी झाली. यावेळी दोन्ही पक्षांचा युक्तिवाद ऐकल्यानंतर न्यायालयाने अर्जदार फळदेसाई यांचा अटकपूर्व अर्ज फेटाळला.

या खाणीवर जे जेसीबी मशीन आणि अन्य वाहने सापडली ती फळदेसाई यांच्या नावावर नोंद आहेत. त्यामुळे याप्रकरणी फळदेसाई यांचा काय संबंध आहे हे कळण्यासाठी त्याला अटक करून चौकशी करण्याची गरज न्यायालयाने व्यक्त केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com