Fog in Goa: राज्याने थंडीसह लपेटलीय दाट धुक्याची चादर!

मागील तीन-चार दिवसांपासून तापमान 20 अंशांच्या खाली आले आहे.
Fog in Goa | Weather in Goa
Fog in Goa | Weather in GoaDainik Gomantak

Fog in Goa: उत्तरेकडून येणाऱ्या शीतलहरींमुळे देशभरात सध्या थंडीची लाट पसरली असून गोवाही गारठले आहे. मागील तीन-चार दिवसांपासून तापमान 20 अंशांच्या खाली आले असून, गेल्‍या काही वर्षांत पहिल्यांदाच जानेवारी महिन्‍यात अशी स्थिती निर्माण झाली आहे. दरम्‍यान, चोडण-रायबंदर फेरीबोट सेवाही धुक्यामुळे विस्‍कळीत झाली.

हवामान खात्याच्या गोवा वेधशाळेचे शास्त्रज्ञ राहुल एम. यांनी दिलेल्‍या माहितीनुसार, थंड झालेली जमीन आणि तयार होणारी हवेतील आर्द्रता(मॉश्चर) यामुळे राज्यात मोठ्या प्रमाणात धुके पडत आहे. ही स्थिती पुढील 48 तास अनुभवायला मिळेल. आज सोमवारी सकाळी तर दाट धुके पसरले होते. त्‍याचा फटका वाहतूक व्यवस्थेसह सकाळी कामावर निघालेल्या नोकरदार वर्गाला बसला.

राज्यातील तापमान

14 जानेवारी : 18.6

15 जानेवारी : 18.4

16 जानेवारी : 18.8

Fog in Goa | Weather in Goa
Goa Petrol-Diesel Price : गोव्यातील इंधनाच्या दरात किरकोळ बदल; जाणून घ्या आजचे पेट्रोल - डिझेलचे दर

सध्‍याचे धुके म्‍हणजे ‘रेडिएशन धुके’

राज्‍यात थंडी वाढल्यामुळे लोक उबदार कपडे परिधान करू लागले आहेत. ग्रामीण भागात तर शेकोटीचा वापर केला जातोय. तेथे सकाळचे ९ वाजले तरी धुके दाटलेले दिसून येत आहे. वैज्ञानिक एम. राहुल यांच्या मते, पुढील दोन-तीन दिवसांत किमान तापमानात आणखी १ ते २ अंशांनी घट होणार आहे. हवामानात किंवा ऋतुमानात बदल घडल्यावर स्वाभाविकपणे धुके दाटते.

Fog in Goa | Weather in Goa
Construction In Goa: हणजूणमध्ये 58 बांधकामांवर ‘संक्रांत’!

पंरतु कालपासून जे धुके दाटत आहे, त्‍यास ‘रेडिएशन धुके’ संबोधतात. ज्यावेळी आर्द्रता ९५ टक्क्यांवर जाते, त्यावेळी धुके दाटते. गेल्या काही दिवसांपासून किमान तापमानात चढउतार होत आहे. आज सोमवारी पणजीत कमाल ३०.४ अंश सेल्सिअस तर किमान १८.८ अंश सेल्सिअस तापमानाची नोंद करण्यात आली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com