Goa Weather Update: पुढील चार-पाच दिवसांत 'असं' असेल गोव्यातील हवामान, पहा हवामान खात्याचा अंदाज

गोव्यात येत्या 4-5 दिवसांत तापमानात अंशत: वाढ होणे अपेक्षित
India Weather
India WeatherDainik Gomantak

बंगालचा उपसागर आणि लगतच्या पूर्व विषुववृत्तीय हिंदी महासागरावरील कमी दाबाच्या क्षेत्रामुळे गोव्यात येत्या 4-5 दिवसांत तापमानात अंशत: वाढ होणे अपेक्षित असल्याचे मत हवामान विभागाने वर्तवले आहे. सध्या गोव्यात पहाटेच्या वेळी थोडीफार थंडी जाणवत आहे. सकाळी साधारणपणे 8 वाजेपर्यंत वातावरणात गारवा जाणवतोय.

परंतु पुढील काही दिवसांत वातावरणात बदल होणार असल्याचा हवामान खात्याचा अंदाज आहे. हिंदी महासागरातील कमी दाबाच्या क्षेत्रामुळे तापमानात 2-3 अंशांनी वाढ होण्याची शक्यता आहे. नैऋत्य बंगालच्या उपसागरात 30 जानेवारीच्या सुमारास हवेतील कमी दाबाच्या स्थितीमध्ये आणखी तीव्र वाढ होण्याची शक्यता असून हे दाब क्षेत्र 1 फेब्रुवारी पर्यंत श्रीलंकेच्या किनार्‍याजवळ पोहोचण्याची शक्यता हवामान विभागान वर्तवली आहे.

India Weather
Goa Agriculture: गोवेकरांना आंबट चविच्या कैऱ्या चाखायला मिळणार

आठवडाभरापूर्वी गोवा राज्यासह लगतच्या कोकण किनारपट्टी भागात ढगाळ वातावरण अनुभवायला मिळाले होते. त्यातच पुढील काही दिवस राज्यात तुरळक ठिकाणी पावसाची शक्यता हवामान विभागानं वर्तवली होती. एकंदरीत सध्या वातावरणात वारंवार बदल होताना दिसत आहे. अशा परिस्थितीत नागरिकांनी मात्र आपल्या आरोग्याची काळजी घेणं आवश्यक आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com