मडकई नवदुर्गा सोसायटीत चोरी

फोंडा पोलिसांनी याप्रकरणी पंचनामा केला
मडकई नवदुर्गा सोसायटीत चोरी
complaint note ponda police stationDainik Gomantak

फोंडा: मडकईतील नवदुर्गा सोसायटीत चोरट्यांनी काल रात्री एका लॅपटॉपसह काही चिल्लर रक्कम पळवली. चोरट्यांनी खिडकीचे गज कापून आत प्रवेश केला. या चोरीत एकापेक्षा जास्त चोरटे सहभागी झाले असावेत, असा अंदाज व्यक्त करण्यात येत आहे.

फोंडा पोलिसांनी याप्रकरणी पंचनामा केला असून, पुढील तपास सुरू आहे. मडकईतील नवदुर्गा सोसायटी ही सर्वांत मोठी सोसायटी व पतसंस्था आहे. या संस्थेतून बँकिंग व्यवहारही मोठ्या प्रमाणात केले जातात. रात्री चोरट्यांनी या सोसायटीचा पुढील दरवाजा तोडण्याचा प्रयत्न केला. पण तो यशस्वी झाला नाही. शेवटी त्यांनी कार्यालयाच्या मागच्या बाजूला असलेल्या खिडकीचे लोखंडी ग्रिल्स काढून आत प्रवेश केला. कपाटे उघडून त्यांनी पैशांचा शोध घेण्यासाठी आतील सामान, फाईल्स अस्ताव्यस्त फेकल्या. मात्र, त्यांच्या हाती केवळ चिल्लर रक्कम लागली. चोरट्यांनी एक लॅपटॉप पळवला असून जाताना लगतच्या दूध सोसायटीतही चोरीचा अयशस्वी प्रयत्न केला. याप्रकरणी नवदुर्गा सोसायटीचे अध्यक्ष प्रेमानंद गावडे यांनी फोंडा पोलिसात तक्रार दिली. चोरटे अद्याप पोलिसांच्या हाती लागू शकलेले नाहीत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.