मंदिरातील फंड पेटी चोरुन हजारोंची लूट

केपेमध्ये दत्त मंदिरात चोरी; चोरटे सीसीटीव्ही कॅमेऱ्यात कैद
Theft in Temple Quepem
Theft in Temple QuepemDainik Gomantak

केपे : केपे येथील दत्त मंदिरातील फंड पेटी चोरून नेऊन त्यातील सुमारे चाळीस हजार रुपयांची चोरी करण्यात आली आहे. सदर चोरी करताना चोरटे सीसीटीव्ही कॅमेऱ्यात कैद झाले आहेत. प्राप्त माहितीनुसार 21 मे रोजी पहाटे तीन वाजता चोरी झाल्याचे सीसीटीव्हीमधून उघडकीस आले आहे.

चोरट्यांपैकी एकाने मंदिराच्या खिडकीचा लोखंडी गज कापून आत प्रवेश केला आणि मुख्य दार उघडले. यानंतर चोरट्याने आपल्या बाकीच्या दोन साथीदारांना आत घेतले. मंदिरातील भली मोठी फंड पेटी फोडण्यास यश न आल्याने अखेर चोरट्यांनी फंड पेटी उचलून बाहेर नेली. चोरट्यांनी मंदिराशेजारी वाहणाऱ्या कुशावती नदीकाठावर नेऊन पेटी फोडली आणि आतील पैसे चोरुन नेले.

Theft in Temple Quepem
सुर्ला-सत्तरीत चार रात्री अंधार; वीज खाते निष्क्रिय

सदर प्रकार सकाळी भटजी मंदिरात आले असता त्यांना समजल्याने त्याने त्वरित मंदिर समितीला आणि पोलिसांनाही याची माहिती दिली. पोलिसांनी घटनास्थळी येऊन पंचनामा केला तसेच श्वान पथकाला आणि ठसे तज्ज्ञांना पाचारण करण्यात आले होते. एक वर्षापूर्वी या मंदिरातील फंड पेटी फोडण्यात आली होती आणि आता परत हा प्रकार घडल्याने या भागातील लोकांमध्ये भीतीचे वातावरण पसरले आहे.

पावसाचा फायदा घेऊन चोरी करण्याचे प्रकार दर पावसाळ्यात दिसून येत असल्याने पोलिसांनी प्रमुख रस्त्यावर नाकाबंदी सुरू करावी. तसेच पोलीस पेट्रोलिंग वाढवण्याची मागणी लोकांनी केली आहे.

Theft in Temple Quepem
कांदोळीत कारवाईचा पुन्हा दणका; संबंधितांवर गुन्हा दाखल

मंदिराच्या शेजारी मंदिराचे पुजारी राहत असून त्यांना या चोरीचा कोणताच सुगावा लागला नाही. चोरी करण्यास आलेल्या चोरांच्या हातामध्ये धारदार शस्त्र होती. चोरी करताना एक चोर पुजारी राहतो त्या घराकडे लक्ष देऊन होता हे स्पष्टपणे सीसीटीव्हीत दिसत आहे. साधारण पाच लोकांना उचलून नेण्यास शक्य होणार नाही इतक्या वजनाची फंड पेटी तीन चोरांनी सहज उचलून नेल्याने केपेतील लोकांनी आश्चर्य व्यक्त केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com