Chhattisgarh News: छत्तीसगडचे माजी मंत्री आणि भाजप आमदार ब्रिजमोहन अग्रवाल (BJP MLA Brijmohan Agrawal) यांचे नातेवाईक पंकज राठी यांच्या घरातील कोट्यवधी रुपयांच्या चोरीचा दुर्ग पोलिसांनी पर्दाफाश केला आहे. याप्रकरणी पोलिसांनी गोव्यातून (Goa) चार आरोपींना अटक केली आहे.
आरोपींकडून 3 कोटींहून अधिक रुपयांचा मुद्देमाल आणि रोकड जप्त करण्यात आली आहे. आरोपींनी अन्य चार घरात एक कोटींहून अधिक चोरी केल्याची कबुली दिली आहे.
दुर्ग जिल्ह्यातील जुन्या आदर्श नगर येथील पंकज राठी (Panjkaj Rathi) यांच्या घरात 7 फेब्रुवारी रोजी तीन कोटींहून अधिक रुपयांची चोरी झाली होती. पंकज राठी हे व्यवसायाने सिव्हिल कॉन्ट्रॅक्टर असून माजी मंत्री आणि भाजप आमदार ब्रिजमोहन अग्रवाल यांचे नातेवाईक आहेत.
संपूर्ण कुटुंबासह घराला कुलूप लावून ब्रिजमोहन अग्रवाल यांच्या मुलीच्या लग्नात सहभागी होण्यासाठी तो रायपूरला गेले होते. सोमवारी सायंकाळी ते तेथून परतले असता त्यांच्या घराचे कुलूप तुटल्याचे त्यांच्या निदर्शनास आले. चोरट्यांनी घराचे कुलूप तोडून सुमारे तीन किलो सोने, 18 किलो चांदीचे दागिने आणि 10 लाखांची रोकड चोरून नेली.
दरम्यान, या हायप्रोफाईल चोरीप्रकरणी दुर्ग पोलिसांनी (Durg Police) तात्काळ तपास सुरू केला. या प्रकरणात पथकाने चार आरोपींना अटक केली आणि त्यांच्याकडून 3 कोटींहून अधिक किमतीचा माल जप्त केला आहे.
तीन कोटींहून अधिक रुपयांची चोरी करून चारही आरोपी गोव्यात आले होते. पंकज राठी यांच्या घरी चोरी केलेले 10 लाख रुपये गोव्यात मौजमजा करण्यासाठी वापरत होते. दुर्ग पोलिसांच्या पथकाने तेथे जाऊन आरोपींचा माग काढला आणि अटक केले.
पोलिसांच्या सूत्रांकडून मिळालेल्या माहितीनुसार, नागपूरच्या (Nagpur) चोरांच्या टोळीने एवढी मोठी चोरी केली आहे. या टोळीने पंकज राठी यांच्यासह इतर चार घरांतून 40 लाख, 30 लाख, 10 लाख आणि 20 लाखांची चोरी केली आहे. पोलिसांनी पकडलेल्या नागपुरातील चोरांच्या टोळीचा म्होरक्या अतिशय चलाख आहे. 12 वर्षे तुरुंगवास भोगल्यानंतर काही काळापूर्वी त्याची सुटका झाली होती. त्यानंतर आपली टोळी तयार करून त्याने मोठ्या चोऱ्या करण्यास सुरुवात केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
