CM Pramod Sawant: ...तर विश्‍वगुरू बनण्याचे देशाचे स्वप्न पूर्ण होण्यास वेळ लागणार नाही

डॉ. प्रमोद सावंत : डिचोलीत जिल्हास्तरीय ‘युवा उत्सव’ उत्साहात
CM Pramod Sawant
CM Pramod SawantDainik Gomantak

CM Pramod Sawant प्रत्येक युवकांमध्ये राष्ट्रीय भावना जागृत झाली आणि पंतप्रधान नरेंद्र मोदी यांच्या ‘एकता और अखंडता’ या मंत्राला अनुसरून वाटचाल केली, तर विश्‍वगुरू बनण्याचे देशाचे स्वप्न पूर्ण होण्यास वेळ लागणार नाही, असे मत मुख्यमंत्री डॉ. प्रमोद सावंत यांनी व्यक्त केले.

नेहरू युवा केंद्रातर्फे डिचोलीत आयोजित ‘युवा उत्सव’च्या उद्‌घाटन सोहळ्यात मुख्यमंत्री डॉ. प्रमोद सावंत प्रमुख पाहुणे या नात्याने बोलत होते.

CM Pramod Sawant
Amit Patkar: ‘म्हादई’प्रकरणी गोवा काँग्रेसची भूमिका कायम

देशात विविधता असली, तरी एकता आहे. देशासाठी आपणही काहीतरी देणे आहोत, ही भावना युवा पिढीने बाळगावी, असे आवाहन मुख्यमंत्र्यांनी केले. डिचोली रोटरॅक्ट क्लब आणि नारायण झांट्ये महाविद्यालयाच्या सहकार्याने महाविद्यालयाच्या क्रीडा संकुलात शनिवारी (ता.13) या महोत्सवाचे आयोजन करण्यात आले होते.

उद्‌घाटन सोहळ्यास सन्माननीय अतिथी म्हणून केंद्रीय मंत्री श्रीपाद नाईक यांची उपस्थिती होती. अन्य मान्यवरांत झांट्ये महाविद्यालयाचे प्राचार्य राजेंद्र कुंभारजुवेकर, नेहरू युवा केंद्राचे संचालक प्रकाश मनुरे, उपसंचालक कालिदास घाटवळ, एड्स नियंत्रण सोसायटीचे संचालक डॉ. गोकुळदास सावंत आणि एनएसएस संचालक नितीन सावंत उपस्थित होते.

CM Pramod Sawant
Vijay Sardesai: धर्मनिरपेक्ष देशात जातीयवादी राजकारणाला थारा नाही

विविध स्पर्धांना प्रतिसाद

या उत्सवात कविता लेखन, मोबाईल फोटोग्राफी, पेंटिंग, भाषण, लोकनृत्य आदी विविध स्पर्धा घेण्यात आल्या. या स्पर्धांना समाधानकारक प्रतिसाद मिळाला.

या स्पर्धांच्या माध्यमातून युवक-युवतींच्या अंगभूत कलागुणांना व्यासपीठ उपलब्ध झाले होते. या सोहळ्यात राष्ट्रीय युवा पुरस्कारप्राप्त गुणाजी मांद्रेकर यांचा मुख्यमंत्री डॉ. सावंत यांच्या हस्ते सत्कार करण्यात आला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com