पणजी: उत्तर प्रदेश येथील ज्ञानवापी मशिदीमध्ये शिवलिंगचे अवशेष आढळून आले आहेत, त्या प्रमाणे असे अवशेष गोव्यातही आढळून येऊ शकतात. म्हणून पुरातत्व खात्याने यासाठी सर्व्हे करून चाचणी करावी, अशी मागणी वीज मंत्री सुदिन ढवळीकर यांनी केली.
ढवळीकर म्हणाले की, ‘हा पुरातत्व खात्याने हाताळण्याचा विषय आहे. गोव्यातील ज्या मोठा मंदिरांचा तसेच धार्मिक स्थळांचा 1410 नंतर पाडाव झाला, तेथे तपासणी करण्याची गरज आहे. जसे उत्तर प्रदेशतील ज्ञानव्यापी मशिदीमध्ये शिवलिंग आढळून आले, तेथेही आढळू शकतात. त्यामुळे या मंदिराचा, धार्मिक स्थळांचा सर्व्हे करण्याचा निर्णय संबंधीत खात्याने घ्यावा’ असेही त्यांनी स्पष्ट केले
मंत्री ढवळीकर म्हणाले, की ज्या धार्मिक स्थळांचा पाडाव झाला, तेथे सर्व्हे झाल्यास नक्कीच तेथे अशा गोष्टी सापडू शकतात. मात्र, त्यासाठी भारतीय पुरातत्व खाते तसेच गोवा पुरातत्व खात्याने एकत्रपणे काम करण्याची गरज आहे. पोतुगिज काळात जी मंदिरे लुप्त झाली होती, त्या मंदिरांची पुनर्बांधणी केली जाईल असे मुख्यमंत्री डॉ. प्रमोद सावंत यांनी स्पष्ट केले होते. त्यामुळे ही मंदिरे पुन्हा उभारावी, हे माझे वैयक्तिक मत नसून सर्वाचीच तशी भावना आहे’ असे त्यांनी सांगितले. उत्तर प्रदेश येथील नागरिकांच्या मागणीनंतर ज्ञानव्यापी मशिदीचा सर्व्हे करण्यात आला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
