पणजी : दाबोळी विमानतळावर आणि राज्यातील रेल्वे स्टेशनवर येणाऱ्या प्रवाशांचे आता थर्मल स्कॅनिंग करण्यात येणार आहे. राज्यात येणाऱ्या प्रत्येक व्यक्तीला या स्कॅनिंगच्या प्रक्रियेतून जावे लागणार आहे. कोरोना पडताळणी चाचणीसाठी दोन हजार रुपये आकारण्‍यात येतील. ज्यांना स्वतःची चाचणी करून घेण्याची इच्छा आहे, त्यांनी ही चाचणी करून घेण्यासाठी दोन हजार रुपये भरावे लागणार आहेत. तपासणी अहवाल देण्याची प्रक्रिया ‘एसओपी’नुसार देण्यात येणार आहे. ही प्रक्रिया आजपासून सुरू होणार असल्याची माहिती सरकारने दिली आहे.
दरम्यान राज्यात अनेक पर्यटक असून ते काही दिवसांपासून चाचण्या करण्यासाठी फिरत आहेत. तसेच ज्यांना गोव्यात यायचे आहे, त्यांनाही यामुळे सुविधा होणार असल्याचे आरोग्य खात्याचे म्हणणे आहे. गोवा वैद्यकीय महाविद्यालयात प्रवासाच्या उद्देशाने ‘आरटीपीसीआर’ कोरोना चाचणी केली जाणार नाही. मात्र, राज्यातील दक्षिण आणि उत्तर गोव्यातील जिल्हा इस्पितळांमध्ये कोरोना पडताळणी चाचणी सशुल्क करता येणार असल्याची माहिती आरोग्यमंत्री विश्वजित राणे यांनी दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.