पर्यटकांच्या बॅगा पळवणारे चोर अखेर गजाआड

The thief who snatched the tourists bag finally disappeared
The thief who snatched the tourists bag finally disappeared

पेडणे : पर्यटक समुद्रात उतरल्यानंतर त्यांनी किनार्‍यावर ठेवलेल्या बॅगा पळवणाऱ्या चोरट्यांना पेडणे पोलिसांनी अटक केली आहे. मांद्रे येथील किनाऱ्यावरून काल पाच मार्च रोजी पर्यटकांची एक बॅग चोरीस गेली होती. 

पेडर रोड मुंबई येथील किरण वाही हे पर्यटक म्हणून गोव्यात आले होते त्यांनी आपली बॅग किनार्‍यावर ठेवून ते समुद्रात उतरले होते मात्र परत येऊन पाहतात तो त्यांची बॅग कोणीतरी गायब केली होतीद्य. बॅगेत दोन आयफोन, स्पीकर, एअरपॉड, पैशाचे पाकीट आणि दहा हजार रुपये रोख होते. त्यांनी या चोरीबाबत पेडणे पोलिसात तक्रार दिल्यानंतर पोलिसांनी सीसीटीव्ही फुटेज आणि स्थानिकांकडे केलेल्या चौकशीतून एका संशयित स्कूटरचा शोध लागला. ती स्कूटर घेऊन फिरणाऱ्या युवकांना पोलिसांनी ताब्यात घेतले असता त्यांच्याकडे चोरीचा मुद्देमाल सापडला.

दोघेही चोरटे हे पर्यटक बनून गोव्यात आले होते. राजस्थानमधील चंदन साहू व विशाल साहू अशी या चुलत बंधूंची नावे आहेत.ते या स्कूटरवर फिरून चोर्‍या करत होते अशी कबुली त्यांनी पोलिसात दिली आहे. पोलीस निरीक्षक जिवबा दळवी आणि पोलीस उपनिरीक्षक संजीव खानोलकर यांच्या पथकाने ही कारवाई केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com