Goa Budget 2023: हे बजेट पणजीतील स्मार्ट सिटीच्या कामांसारखे; राज्याची अर्थव्यवस्था खड्ड्यात घालणार

Yuri Alemao on Goa Budget 2023: मुख्यमंत्र्यांनी सादर केलेले हे पणजी शहरातील स्मार्ट सिटीच्या कामासारखे आहे. हे बजेट अर्थव्यवस्थेला खड्ड्यात घालणारे बजेट आहे, अशी टीका विरोधी पक्षनेते युरी आलेमाव यांनी केली.

आलेमाव म्हणाले की, हे बजेट म्हणजे मॅक्सिमम अनाऊंन्समेंट आणि मिनिमम अचिव्हमेंट असे आहे. हे बजेट पणजीतील स्मार्ट सिटीच्या शहरातील कामांप्रमाणे आहे. महसुल आणि वित्तीय तुटीमुळे या बजेटमुळे राज्याची अर्थव्यवस्था खड्ड्यात जाणार आहे. हे बजेट म्हणजे केवळ मागच्या पाण्यावरून पुढे आहे.

दरम्यान, राज्याच्या आर्थिक पाहणी अहवालावरूनही आलेमाव यांनी टीका केली. मोपा येथील मनोहर आंतरराष्ट्रीय विमानतळ या नावातील मनोहर हे नावच विसरले गेले आहे, हे आलेमाव यांनी निदर्शनास आणून दिले. या आर्थिक पाहणी अहवालात काहीही 'मनोहर' नाही, असेही ते म्हणाले.