हा निर्णय म्हणजे गोमंतकीय जनतेचा विजय: अमित पाटकर

काँग्रेसकडून स्‍वागत: लोकांना न्‍यायासाठी लागतेय झगडावे
हा निर्णय म्हणजे गोमंतकीय जनतेचा विजय: अमित पाटकर
Amit Patkardainik gomantak

पणजी: राज्‍यात रेल्‍वे दुपदरीकरणासाठी राष्ट्रीय वन्‍यजीव मंडळाने दिलेली मान्यता सर्वोच्च न्‍यायालयाने आज रद्द केली. या निर्णयाचे गोवा प्रदेश काँग्रेसने स्‍वागत केले आहे. हा जनआंदोलनाचा विजय आहे, असे काँग्रेसचे प्रदेशाध्‍यक्ष अमित पाटकर यांनी सांगितले. या पत्रकार परिषदेला सामाजिक कार्यकर्ते कॅप्‍टन विरिएतो फर्नांडिस आणि पदाधिकाऱ्यांची उपस्‍थिती होती.

राज्‍यातील थ्री लिनियर प्रकल्प रद्द करण्यासाठी काँग्रेस पक्ष जोरदार लढा देत आहे. हा निकाल म्हणजे जनआंदोलनाचा विजय असल्याचे पाटकर म्‍हणाले. रेल्वे दुहेरी मार्गासाठी राष्ट्रीय वन्‍यजीव मंडळाने मान्यता दिली होती.

Amit Patkar
विधिकारांना 365 दिवस काम बंधनकारक: रमेश तवडकर

ती रद्द करण्याच्या सर्वोच्च न्यायालयाच्या निर्णयाचे पक्ष स्वागत करत आहे. समस्‍त गोमंतकीयांचा हा विजय आहे. केवळ भांडवलदारांच्या बाजूने आणि त्यांच्या बाजूने काम करणाऱ्या असंवेदनशील भाजप सरकारमुळे लोकांना न्यायासाठी झगडावे लागत आहे. केंद्र सरकारच्‍या दबावामुळे राज्‍य सरकार लोकांना नको असलेले प्रकल्प जबरदस्‍तीने लादत आहे, असा आरोपही त्‍यांनी केला.

कॅप्टन फर्नांडिस म्‍हणाले की, राज्‍यातील पर्यावरण सांभाळण्‍यासाठी हा लढा होता. कोरोना काळातील थ्री लिनियर प्रकल्प शंकास्पद पद्धतीने सुरू होते. गोव्याला कोळसा केंद्र बनविणे आणि शेजारच्या राज्यांमध्ये कोळशाची वाहतूक सुलभ करणे हे भाजपचे उद्दिष्ट अाहे, असा आरोपही त्‍यांनी केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.