कुंडईतील चोरी प्रकरणी तिघांना अटक

दोन लाख रुपये किमतीची तांब्याची वायर पोलिसांनी केली हस्तगत
kundaim Crime News
kundaim Crime NewsDainik Gomantak

फोंडा: कुंडई औद्योगिक वसाहतीतील डिनोरा या आस्थापनात झालेल्या चोरीप्रकरणी फोंडा पोलिसांनी एका वाहनासह तिघांना पकडले आहे. संशयित चोरट्यांकडून चोरलेला मालही हस्तगत करण्यात आला आहे. ही कारवाई काल दिनांक 8 ऑगस्ट रोजी करण्यात आली आहे. (Three arrested in case of copper theft of two lakh rupees in kundaim, ponda)

kundaim Crime News
Sonali Phogat हत्येचा मुख्य सुत्रधार अन् हेतू अस्पष्टच; गोवा पोलिस

डिनोरा या आस्थापनात 3 ते 5 तारखे दरम्यान, अज्ञात चोरट्यांनी सुमारे दोन लाख रुपये किमतीची तांब्याची वायर चोरीला गेली होती. याची तक्रार आस्थापना अधिकारी अनुराधा कदम यांनी केली होती. या तक्रारीला अनुसरून फोंडा पोलिसांनी सीसीटीव्हीचा आधार घेत तपास सुरू केला असता, चोरीसाठी वापरण्यात आलेला छोटा टेंपो करासवाडा म्हापसा येथे आढळला.

kundaim Crime News
Goa Dairy: पशुखाद्य प्रकल्पात स्फोट, दोषींवर कारवाई करण्याचा इशारा

फोंडा पोलिसांनी आढळलेल्या टेंपोचा चालक महंमद मुस्तफा महंमद सिद्धीकी (वय 35) मूळ उत्तर प्रदेश येथील पण सध्या मुशीरवाडो - कोलवाळ येथे राहणाऱ्याला व कर्नाटकातील अन्य दोन महिलांना अटक केली. या दोन्ही महिला मूळ कर्नाटक येथील असून त्या सध्या करासवाडा येथे राहतात.

पोलिसांनी चोरीचा माल हस्तगत केला असून कारवाई पोलिस उपअधीक्षक सी. एल. पाटील व फोंडा पोलिस स्थानकाचे निरीक्षक विजयकुमार चोडणकर यांच्या मार्गदर्शनाखाली उपनिरीक्षक आदित्य वेळीप, हेडकॉन्स्टेबल केदारनाथ जल्मी, हनुमंत बोरकर, कॉन्स्टेबल अमेय गोसावी व इतरांनी केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com