कार अपघातात तिघांचा मृत्यू

पणजी: वेर्णाहून दाबोळीकडे जात असलेल्या एका कारला झालेल्या अपघातात तिघे जागीच ठार झाले. ही घटना गुरुवारी रात्री 10:30च्या सुमारास घडली. सांकळवाळ चौपदरी रस्त्यावर भरधाव वेगाने ही कार जात होती. त्यातून हा कारचा अपघात (Accident) झाल्याचा अंदाज आहे. या घटनेत कारचा (Car) चेंदामेंदा झाला.

मिळालेल्या माहितीनूसार, कारमध्ये पाच जण होते. त्यातील तीन जण जागीच ठार झाले. दोघांची प्रकृती गंभीर आहे. मृतांची नावे कणन, नितीन, विष्णु अशी असून ते तिघेही केरळ येथील आहेत. यातील एक जण हा दाबोळी विमातळावर (Daboli Airport) आणि एक जण भारतीय नौदलात होता. हे दोघेही वास्को (Vasco) येथे राहत असल्याची प्राथमिक माहिती पोलिसांनी दिली. जखमींची नावे विनोद कुमार आणि अखिल अशी आहे. त्यांची पूर्ण नावे मात्र कळू शकली नाही.जखमी प्रवाशांना स्थानिकानी गोवा वैद्यकीय महाविद्यालयात उपचारासाठी दाखल केले. पोलिस रात्री उशिरापर्यंत या घटनेचा तपास करत होते. अपघाताचे नेमके कारण उशिरापर्यंत समजू शकले नाही.