देशाला आघाडीचे सागरी राष्ट्र बनवणार: श्रीपाद नाईक

‘मरिटाईम इंडिया व्हिजन 2030’ सर्वोत्कृष्ट डॉक्युमेंट
Shripad Naik
Shripad NaikDainik Gomantak

पणजी: जगातील आघाडीचे सागरी राष्ट्र म्हणून भारताचे स्थान पुन्हा प्रस्थापित करण्याच्या दिशेने भारत सरकारतर्फे विविध पावले उचलली जात आहेत. भारत सरकारचा `मरिटाइम इंडियन व्हिजन 2030 ` हा `डॉक्युमेंट` भारताने आतापर्यंत सादर केलेल्या सर्वोत्कृष्ट `डॉक्युमेंट`पैकी एक आहे, असे प्रतिपादन केंद्रीय मंत्री श्रीपाद नाईक यांनी केले.

गोरेगाव-मुंबई कालपासून सुरू झालेल्या मरिटाईम ट्रान्सपोर्ट अॅण्ड शिपिंग इंडिया एक्स्पो 2022 कार्यक्रमात नाईक बोलत होते. याप्रसंगी कॅ. केदार चौधरी, ओशनट्रेड मरिटाईमचे व्यवस्थापकीय संचालक अली पाटणकर, ओशनट्रेड मरिटाईमच्या संचालक पल्लवी नाईक उपस्थित होते.

Shripad Naik
वास्‍कोत पावसाळी आजारांबाबत मार्गदर्शन...

सर्वांत वेगाने वाढणारा मरिटाईम देश असण्याचे महत्त्व सर्वजणांना ज्ञात आहे. 7,500 कि.मी.हून अधिक सागरी किनारपट्टी लाभलेला आपला देश जगातील सर्वांत मोठा सोळावा मरिटाईम देश आहे. भारतातील जहाजबांधणी उद्योग देशाच्या व्यापार आणि वाणिज्यमधील वृद्धीत महत्त्वपूर्ण भूमिका बजावत आहे. पूर्व आशिया, अमेरिका, युरोप आणि आफ्रिका या देशांत जाणारी बहुतेक मालवाहू जहाजे भारतीय प्रादेशिक पाण्यातून प्रवास करत आहेत, असे नाईक यांनी नमूद केले.ओशन ट्रेड मेरिटाईमसारख्या आत्मनिर्भर उद्योगांनी आणि संबंधित उद्योजकांनी तरुण उद्योजकांना प्रोत्साहन देण्यासाठी पुढाकार घ्यावा, असे आवाहन केंद्रीय मंत्र्यांनी केले.

संपूर्ण सागरी उद्योगाला एकाच छताखाली आणण्यासाठी शीप बिल्ड इंडिया एक्स्पो समिट आणि मेरीटाइम ट्रान्सपोर्ट अॅण्ड शिपिंग इंडिया एक्स्पोसारखे कार्यक्रम महत्त्वाचे आहेत.

- श्रीपाद नाईक, केंद्रीय मंत्री

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com