Goa आंतरराष्ट्रीय चित्रपट महोत्सवात उद्या ठरणार 75 क्रिएटिव्ह माईन्ड्स!

75 क्रिएटिव्ह माईन्ड्स ना उद्या गोव्यात होणाऱ्या आंतरराष्ट्रीय चित्रपट महोत्सवात सहभागी होण्याचे विशेष आमंत्रण.
Goa आंतरराष्ट्रीय चित्रपट महोत्सवात उद्या ठरणार 75 क्रिएटिव्ह माईन्ड्स!
International Film FestivalDainik Gomantak

देशाच्या स्वातंत्र्याच्या अमृतमहोत्सवाचे औचित्य साधत या वर्षी इफ्फी देशभरातील 75 उदयोन्मुख सिनेमाकर्मीना महोत्सवात स्थान देणार आहे. देशातील मान्यवर निवड समिती या 75 कलाकारांची घोषणा उद्या करणार आहे.

देशातील युवा सर्जनशक्तीला आणि उदयोन्मुख प्रतिभेला शोधून, त्यांना प्रोत्साहन देण्याच्या प्रयत्नांचा भाग म्हणून, भारतीय आंतरराष्ट्रीय चित्रपट महोत्सव (International Film Festival)- इफ्फीमध्ये देशातील युवा सिनेकर्मीकडून अर्ज मागवण्यात आले होते. त्यांच्यापैकी या 75 क्रिएटिव्ह माईन्ड्स ऑफ टूमारो ना गोव्यात होणाऱ्या आंतरराष्ट्रीय चित्रपट महोत्सवात सहभागी होण्याचे विशेष आमंत्रण असणार आहे.

International Film Festival
देखभाल निधी मिळूनही फोंड्यातील सीसीटीव्ही यंत्रणा 4 वर्षांपासून कुचकामीच!
Summary

या महोत्सवात ते चित्रपटसृष्टीतील नामवंतांशी चर्चा करू शकतील. महोत्सवादरम्यान होणारे मास्टर क्लासेस, चर्चासत्रे, परिसंवाद यातही ते सहभागी होऊ शकतील. यात निवड झालेल्या प्रत्येक व्यक्तीच्या प्रवासाचा आणि निवासाचा खर्च इफ्फीच करणार आहे. या 75 सिनेकर्मींची निवड करण्यासाठी दोन निवड समित्या निर्माण करण्यात आल्या आहेत.

सिलेक्शन ज्युरी

वाणी त्रिपाठी टिक्कू : निर्माती/अभिनेत्री, केंद्रीय चित्रपट प्रमाणन मंडळ सदस्य.

अनंत विजय : लेखक आणि चित्रपट समीक्षेसाठी राष्ट्रीय पुरस्कार विजेते

यतींद्र मिश्रा : प्रसिद्ध लेखक, चित्रपट समीक्षेसाठी राष्ट्रीय पुरस्कार विजेते

संजय पुरन सिंग : चित्रपट निर्माते, सर्वोत्कृष्ट चित्रपटासाठी राष्ट्रीय पुरस्कार विजेते.

सचिन खेडेकर : अभिनेते, दिग्दर्शक

‘ग्रँड ज्युरी’ समितीमध्ये नामांकित गीतकार आणि केंद्रीय चित्रपट प्रमाणन (सेन्सॉर बोर्ड) मंडळचे अध्यक्ष प्रसून जोशी, नामांकित दिग्दर्शक केतन मेहता, प्रसिध्द संगीतकार/गायक शंकर महादेवन, राष्ट्रीय पुरस्कार विजेता अभिनेता मनोज बाजपेयी, ऑस्कर विजेता ध्वनिमुद्रक रसुल पुकुट्टी, निर्माता/दिग्दर्शक विपुल शहा यांचा समावेश आहे.

केंद्रीय माहिती आणि प्रसारणमंत्री अनुराग ठाकूर यांनी घोषणा केल्याप्रमाणे इफ्फीच्यावतीने निवडण्यात येणाऱ्या या देशातील 75 युवा सिनेकर्मींमध्ये निर्माते, अभिनेते, गायक, पटकथा लेखक, कला दिग्दर्शक, सिनेमॅटोग्राफर यांचा समावेश आहे. देशभरातून मागवलेल्या अर्जांमधून सुरुवातीला 150 आणि त्यातून अंतिम 75 सिनेकर्मी इफ्फीमध्ये सहभागी होणार आहेत.

Related Stories

No stories found.
Dainik Gomantak | दैनिक गोमन्तक
www.dainikgomantak.com