Top 5 Goa News | गोंयच्यो म्हत्वाच्यो 5 मुखेल खबरो (18th May 2022)

फुडले पांच दीस गोंयांत पावसाचो अदमास; दर्यादेगांनी तेलाचे गुळे
Top 5 Goa News | गोंयच्यो म्हत्वाच्यो 5 मुखेल खबरो (18th May 2022)
Top 5 News in Goa 18 MayDainik Gomantak

फुडले पांच दीस गोंयांत पावसाचो अदमास

कर्नाटकांत तयार जाल्ल्या उण्या दाबाच्या पट्ट्याक लागून फुडले पांच दीस गोंयांत पावसाचो अदमास हवामान विभागान उक्तायला. फाल्यां 19 तारखेक पावसाचो नेट चड आसतलो. वाऱ्याचो वेग वराक 40 ते 50 किलो मीटर आसतलो. हो वेग वाडून वराक 60 किलो मीटरा मेरेन पावपाक शकता. देखून दर्या खुबळिल्लो आसतलो. तेन्ना नुस्तेमाऱ्यांनी दर्यांत वच्चें न्हय, अशी शिटकावणी हवामान खात्यान दिल्या. मंगळारा सांजे दमट हवामान आशिल्लें. उपरांत राजधानी पणजे सयत ताळगाव, सांखळे, अजोशी, मंडुर, वास्को आनी सत्तरी वाठारांत पावसान हजेरी लायली. सांखळे चड पावस पडिल्ल्याचे कळटा.

गोंयातल्या कांय दर्यादेगांनी तेलाचे गुळे

गोंयातल्या कांय दर्यादेगांनी तेलाचे गुळे (टार बॉल्स) आयिल्ल्यान दर्यादेगो काळवंडल्यात. तशेंच हे रासायनीक तेला गुळे आशिल्ल्यान ताचो पर्यावरणाचेर परिणाम जावपाक शकता. ह्या तेला गुळ्यांचे नमुने घेवन ताची तपासणी जातली. ते दर्यांत कशें आयले, हाचीय पळोवणी जातली. ते मेरेन पर्यटकानी दर्यांत न्हांवपाक वच्चे न्हय, अशी शिटकावणी राष्ट्रीय दर्याविज्ञान सस्थेचे संचालक डॉ. सुनीलकुमार सिंग हाणी दिल्या. फाटल्या वर्सा ह्याच दिसानी गोंयच्या कांय दर्यादेगानी अशेंच तेला गुळे आयिल्ले. हे तेला गुळे वाडट्या प्रदुशणाक लागून जावपाक शकतात. वा ते दर्याच्या भितरल्या जमनींतल्यान भायर येवपाचीय शक्यताय न्हयकारपाक येना. तशेंच एकाद्या तेल व्हरपी बोटींतल्यान तेल गळटेक लागून ते दर्यांत पातळपाची शक्यताय आसा

Top 5 News in Goa 18 May
डिचोलीत ‘डेंग्यू’ नियंत्रणात; सर्व रुग्ण राज्याबाहेरील

हॉटेलांचो एफएआर 20 टक्क्यां वेल्यान 30 टक्के

गांवगिऱ्या वाठारांतल्या हॉटेलांचो एफएआर 20 टक्क्यां वेल्यान 30 टक्के, जाल्यार शारी वाठारांतलो एफएआर 40 टक्के करपाक नगरनियोजन मंडळान मान्यताय दिल्या. नगरनियोजन मंत्री विश्वजीत राणे हांणी ही म्हायती दिली. ह्या निर्णयाक लागून हॉटेल वेवसायिकांक थाकाय मेळ्ळ्या. तितल्याच सुवातेर भितर व्हड हॉटेल बांदप आतां वेवसायिकांक शक्य जातले. नगरविकास मंत्र्यांच्या फुडारपणा खाला नगरनियोजन मंडळाची बसका जाली. हे बसकेंत म्हत्वाच्या निर्णयांचेर चर्चा जाली. तशेंच प्रकल्पाचें बांदकाम सुरू जालें उपरांत बांदकामांत हेर सवलती मेळच्यो नात. पयलीचे नेम तशेंच अटी प्रमाण बांदकाम पुराय करचें पडटलें.

पंचायत वेंचणुको चार म्हयने फुडें धुकलपाची लोबोची मागणी

पंचायत वेंचणुको चार म्हयने फुडें धुकलपाची मागणी विरोधी पक्ष फुडारी मायकल लोबोन केल्या. मागास-वर्गीय लोकांचेर अन्याय जावंक जायना म्हण हि वेंचणुक फुडें धुकलपाची मागणी मायकल लोबो करता. गोंयच्या मागास वर्गीयांक तांका दिल्ले आरक्षण दिवपाकुच जाय अशी मागणी करीत मायकल लोबोन पंचायतींचेर प्रशासक घालचो अशी मागणीय केल्या.

Top 5 News in Goa 18 May
कुडचडेत सापडला आणखी एक मृतदेह

तामनार प्रकल्प वीजेच्या बाबतींत खुब म्हत्वाचो : सुदिन ढवळकार

गोंया खातीर तामनार प्रकल्प वीजेच्या बाबतींत खुब म्हत्वाचो आसा अशें विधान वीज मंत्री सुदिन ढवळकारान केलां. हो प्रकल्प गोंयांत सुमार 1 हजार 200 Mega Watt चड वीज हाडटलो आनी ह्या प्रकल्पाचें काम पावसाळो सोपल्या उपरांत सुरू जातलें अशी म्हायती लेगीत तांणें हे वेळार दिली. तशेंच गोंय बेगीनूच 100 Mega Watt Solar Power तयार करतली अशेंय तांणे हे वेलार सांगलें.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com