मुसळधार पावसामुळे वाळपईतील लोकांचे नुकसान

काही गावांत बराच वेळ वीज गुल झाली.
मुसळधार पावसामुळे वाळपईतील लोकांचे नुकसान
Rain Dainik Gomantak

पणजी: हवामान खात्याच्या वेधशाळेने शनिवारी राज्यात मेघगर्जनेसह पाऊस पडण्याची शक्यता वर्तविली होती, त्यानुसार सत्तरी आणि सांगे तालुक्यातील काही भागांत तसेच साखळी येथे सायंकाळी पावसाच्या सरी बरसल्या. काल राज्यात कमाल 34.4 अंश सेल्सिअस तर किमान 27.0 अंश सेल्सिअस तापमानाची नोंद झाली. (torrential rains causes damage in valpoi goa)

Rain
Goa| पणजीतील 'अवर लेडी ऑफ द इमॅक्युलेट कन्सेप्शन चर्च' मध्ये भाविकांची गर्दी

वाळपई भागात काल सायंकाळी पाच वाजता वादळी वाऱ्यासह मुसळधार पावसाने (Rain) हजेरी लावल्याने लोकांची तारांबळ उडाली. यामुळे लोकांचे काही प्रमाणात नुकसान झाले. आंबेडे येथे संतोष भावे यांच्या गोठाघराचे पत्रे उडाल्याने हजारो रुपयांचे नुकसान झाले आहे. पत्रे उडाल्याने गोठाघरात पावसाचे पाणी आल्याने त्यांची त्रेधातिरपीट उडाली. आंबेडे येथे रस्त्यालगतचे आंब्याचे झाडे कोसळले.

Rain
गोव्यातील रुग्णाचा आजाराला कंटाळून आत्महत्येचा प्रयत्न

वादळी वाऱ्यामुळे रस्त्यावर झाडांची (Trees) पाने आणि इतर कचरा प्रचंड प्रमाणात जमा झाला. सत्तरी तालुक्यात गेल्या चार पाच दिवसांपासून रोज सायंकाळी पावसाचे आगमन होत आहे. जोरदार वाऱ्यासह पावसामुळे वीज वारंवार खंडित होत होती. काही गावांत बराच वेळ वीज गुल झाली. मात्र, दिवसभर उष्म्यामुळे हैराण झालेल्या लोकांना पावसामुळे दिलासा मिळाला.

सांगे (Sanguem) भागात संध्याकाळी अवकाळी पावसाने जोरदार हजेरी लावून वातावरणात गारवा निर्माण केला. गेल्या दोन दिवसांपासून वातावरण ढगाळ बनले होते. दोन दिवस तुरळक पावसाने हजेरी लावली होती. पण आज दुपारनंतर गडगडाटासह पावसाने हजेरी लावल्याने उष्म्यामुळे हवालदिल झालेल्या लोकांना हायसे वाटले. किमान अर्धा तास पावसाच्या सरी कोसळल्या.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com