Torxem school issue: तोरसे येथे विद्यार्थ्यांची सुरक्षा धोक्यात; पालकांनी घेतला आंदोलनाचा पवित्रा

तोरसे हायस्कूलची सुरक्षा भिंत रस्त्यासाठी पाडली
Torxem school issue
Torxem school issueDainik Gomantak

गेल्या काही दिवसांपासून पेडणे तालुक्यातील तोरसे येथील हायस्कूलची सुरक्षा भिंत सार्वजनिक बांधकाम खात्याने रस्त्यासाठी पाडल्याने विद्यार्थ्यांच्या सुरक्षेचा प्रश्न आता ऐरणीवर आला आहे. हा प्रश्न न सुटल्यास हायस्कूल व्यवस्थापन आणि पालक वर्गाने आंदोलन छेडण्याचा इशारा दिला आहे.

(Torxem Locals and school management in protest due to rising accidents)

मिळालेल्या माहितीनुसार तोरसे हायस्कूलच्या एका बाजूची सुरक्षा भिंत सार्वजनिक बांधकाम खात्याने रस्त्यासाठी पाडली आहे. या ठिकाणी गेल्या काही दिवसांपुर्वी अपघात घडला होता. यात माय लेकीला आपले प्राण गमावेवे लागले होते. यातच आता भिंत पाडल्याने विद्यार्थ्यांच्या सुरक्षेचा प्रश्न पालक वर्ग आणि हायस्कूल व्यवस्थापनाला सतावत आहे.

सुरक्षा भिंत नसल्याने विद्यार्थी थेट राष्ट्रीय महामार्ग 66 वर जाऊ शकतात. त्यामूळे मोठा अनर्थ घडण्याची शक्यता ही नाकारता येत नाही. त्यामूळे हायस्कूलची सुरक्षा भिंत सार्वजनिक बांधकाम खात्याने तातडीने बांधावी अन्यथा आंदोलन छेडणार असल्याचे आज पालक वर्ग आणि हायस्कूल व्यवस्थापनाने म्हटले आहे.

Torxem school issue
CM Sawant Big announcement: साळगावात उभारणार आशियातील सर्वात्तम घनकचरा प्रकल्प

याबाबत बोलताना शालेय समिती अध्यक्ष व माजी जिल्हा पंचायत सदस्य सूर्यकांत तोरस्कर म्हणाले कि, चार पदरी महामार्गासाठी हायस्कूलच्या एका बाजुचा रस्ता व भाग कापुन टाकला आहे. यामुळे विद्यार्थ्यांना धोका निर्माण झालेला आहे. याचा विचार करुन महामार्ग सार्वजनिक बांधकाम खात्याने त्वरीत हा रस्ता व येथे संरक्षक भिंत बांधून द्यावी तसेच रस्त्याचे डांबरीकरण करावे अन्यथा आम्हाला आंदोलन उभारावे लागेल. असे म्हटले आहे.

Torxem school issue
Aasgao Truck Fire: आसगाव येथे भर रस्त्यात बर्निंग ट्रकचा थरार, मडगावनंतर दुसरी आगीची घटना

यावर तोरसेच्या सरपंच प्रार्थना मोटे बोलताना म्हणाल्या कि, हल्लीच येथे एका मोठा अपघात झाला आहे. यात माय लेकींना आपले प्राण गमवावे लागले आहेत .अशा दुर्घटनेत जर या शाळेची मुले येथे असतील तर मोठा अनर्थ घडला असता. याचा विचार करुन त्वरीत रस्ता व संरक्षक भिंत बांधावी. अशी मागणी त्यांनी केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com