Japanese Tourist Fraud Case: जपानी पर्यटकाला लुबाडणाऱ्यांना अटक करणाऱ्या पोलिसांना 50 हजाराचे बक्षिस

पर्यटन मंत्री रोहन खंवटे यांची घोषणा, गोवा पर्यटकांसाठी सुरक्षित
Rohan Khaunte
Rohan KhaunteDainik Gomantak

Japanese Tourist Fraud Case: जपानी पर्यटक तात्सुकी याची गोव्यातील हणजुण समुद्रकिनारा परिसरात एका टोळक्याने लुबाडणूक केली होती. तात्सुकी यांना रोकड, फोन व इतर साहित्य असे एकूण सुमारे साडे नऊ लाखांना लुबाडले गेले होते. तात्सुकी यांनी ट्विटरवरून याबाबत कैफियत मांडली होती.

Rohan Khaunte
Mapusa Accident: काम सुरु होण्यापूर्वीच अपघात! म्हापश्यात वीज खात्याने आणलेली साडेचार कोटींची मशीन उलटली

त्यानंतर पोलिसांनी गुन्हा दाखल करून तिघांना अटक केली होती. पोलिसांनी तत्परतेने या प्रकरणातील संशयितांना अटक केल्याने पर्यटन मंत्री रोहन खंवटे यांनी या प्रकरणाचा तपास करणाऱ्या पोलिस पथकाला 50 हजार रूपयांचे बक्षीस जाहीर केले.

बुधवारी पर्यटन मंत्री रोहन खंवटे यांनी म्हापसा उपविभागीय पोलीस कार्यालयाचे प्रभारी उपअधीक्षक राजेश कुमार यांची भेट घेतली. या भेटीत त्यांनी जपानी पर्यटकाबाबत घडलेल्या सर्व प्रकाराची सविस्तर माहिती घेतली. त्यातील तपासाची माहिती घेतली. या भेटीत खंवटे यांनी पोलिसांच्या या कामगिरीबद्दल प्रशंसा करीत त्यांची पाठ थोपटली.

Rohan Khaunte
Goa Sand Mining: प्रशासनाच्या छुप्या आशीर्वादानेच रेतीचे उत्खनन

रोहन खंवटे म्हणाले की, गोवा हे पर्यटन स्थळ आहे आणि येथे पर्यटकांना सुरक्षित वाटले पाहिजे. पर्यटकांना सुरक्षित वातावरण देणे हे आमचे काम आहे. जपानी पर्यटकाच्या फसवणूक प्रकरणात पोलिसांनीही तातडीने दखल घेत कार्यवाही केली आहे. त्यासाठीच मी आज म्हापशात येऊन पोलिसांचे अभिनंदन केले.

पर्यटकांना सुरक्षिततेची खात्री वाटली पाहिजे. पर्यटक गोव्यात आले पाहिजेत. पोलिसांनी चांगले काम केले आहे. गोवा पर्यटकांसाठी सुरक्षित आहे, हा मेसेज यातून जातो. त्यांना प्रोत्साहन म्हणून पन्नास हजार रूपयांचे बक्षिस जाहीर केले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com