गोव्यामध्ये देशी पर्यटकांचे पावसात समुद्रस्‍नान

ऑनलाईन बुकिंगमध्ये वाढ : पर्यटनवाढीसाठी खाते सज्ज
गोव्यामध्ये देशी पर्यटकांचे पावसात समुद्रस्‍नान
Goa TouristSandip Desai

पणजी : पावसाळा सुरू होताच एरवी शांत दिसणाऱ्या उत्तर गोव्‍यातील काही किनाऱ्यांवर देशी पर्यटकांची बऱ्यापैकी गर्दी दिसत होती. विकेंडमुळे गेली दोन दिवस पर्यटकांची रेलचेल दिसत आहे. कालपासून जोरदार पाऊस सुरू झाला आहे. मात्र, विकेंड गोव्‍यात साजरा करण्यासाठी अगोदरच ऑललाईन बुकिंग केलेल्या पर्यटकांनी गोवा सहल रद्द न करता पावसाळी पर्यटनाचा आनंद घेतला.

राज्‍यातील पर्यटन हंगाम बारमाही सुरू राहावा यासाठी पर्यटन खात्‍याने महत्त्वाची पावले उचलली असून, देशी पर्यटकांनी पावसाळी पर्यटनासाठी गोव्‍यात यावे याचा कृती आराखडा तयारा केला असल्‍याची माहिती पर्यटनमंत्री रोहन खंवटे यांनी दिली.

पर्यटन आराखड्यानुसार, खात्‍याने काम सुरू केले असल्‍याचेही मंत्री खंवटे यांनी सांगितले. एरवी पावसाळा सुरू झाला की राज्‍यातील बहुतांश किनारे ओस पडतात. उत्तर गोव्‍यातील कळंगुट, बागा, हरमल, मोरजी आणि दक्षिण गोव्‍यातील कोलवा, पाळोळे, मोबोर असे काही मोजके किनारे वगळता इतर किनाऱ्यांवर भयाण शांतता पसरलेली असते. पण आज कळंगुट, सिकेरी आणि बागा किनाऱ्यांवर काही पर्यटक भर पावसात समुद्रस्‍नानाचा आनंद घेताना दिसत होते.

Goa Tourist
गोव्यात भाजपचं सरकार भक्कम; आमदार फुटीमध्ये तथ्य नाही

किनाऱ्यावरील शॅक बंद झाले असले तरी किनारी भागातील रेस्‍टॉरंट, हॉटेल्‍स सुरू आहेत. सध्या ऑनलाईन बुकिंग करून राज्‍यात येणाऱ्या पर्यटकांत बऱ्यापैकी वाढ झाली असल्याचे कळंगुट येथील हॉटेल चालक डेस्‍मंड डिसोझा यांनी सांगितले. काही हॉटेल्‍सचालकांनी पावसाळी हंगामात गोव्‍यात येणाऱ्या पर्यटकांसाठी विविध आकर्षक योजना (पॅकेज) तयार केल्‍या असून कमीत-कमी बजेटमध्ये सुंदर पर्यटन, अशा जाहिराती विविध माध्यमातून प्रसारित केल्या जात आहेत. पर्यटन खात्याने पावसाळी पर्यटन वाढण्यासाठी कंबर कसली असून, त्या दिशेने कार्यवाही सुरू झालेली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com