राजधानी पणजीत धावणार आता चोवीस तास ‘टोईंग’ गाडी

The towing train will run for 24 hours in the capital of Goa
The towing train will run for 24 hours in the capital of Goa

पणजी राजधानी पणजीतील वाहतूक व्यवस्था सुरळीत करण्यासाठी महापालिकेने आणलेली ‘टोईंग’ गाडी आता चोवीस तास धावणार आहे. पार्किंगचे नियम मोडणाऱ्यांवर कारवाईसाठी हे वाहन सध्या कार्यरत झाले आहे. महापालिकेच्या या सेवेसाठी पोलिसांच्या वाहतूक शाखेचे दहा पोलिस मदत करणार आहेत. आज सकाळी आमदार बाबूश मोन्सेरात यांनी महापालिकेत घेतलेल्या बैठकीत हा निर्णय घेण्यात आला. 
या बैठकीस महापौर उदय मडकईकर, आयुक्त संजित रॉड्रिग्स व वाहतूक विभागाचे अधिकारी उपस्थित होते. 


या बैठकीविषयी माहिती देताना महापौर मडकईकर म्हणाले की १९ तारखेपासून आम्ही प्रभाग क्रमांक २८ मधील रस्त्यांवर अस्ताव्यस्त उभ्या राहणाऱ्या वाहनांवर कारवाईत करीत आहोत. माजी महापौर विठ्ठल चोपडेकर यांचा हा प्रभाग असून, गेली चार दिवसांपूर्वी त्यांच्याकडे येथील नागरिक रस्त्यावर उभ्या केल्या जात असलेल्या वाहनांबाबत तक्रारी करीत होत्या. काही नागरिकांनी आपल्याकडेही तक्रारी केल्या, त्यानुसार आम्ही चारदिवसांपूर्वी वाहनांना क्लॅम्प लावण्यास सुरुवात केली. दुचाकीधारकांवर दंडात्मक कारवाईत केली. यासाठी चोपडेकर यांनाही लोकांच्या तक्रारी आल्याने रात्री-अपरात्री उठावे लागले आहे. 


ते पुढे म्हणाले की, महापालिकेने वाहने उचलून आणण्यासाठी घेतलेल्या टोईंग वाहनांद्वारे ही कारवाई करण्यात येणार आहे. महापालिकेच्या कर्मचाऱ्यांची एक टीम तयार केली असून, सुटीच्या दिवशीही ही चोवीस तास कारवाई सुरू राहणार आहे. शहरातून हे वाहन फिरणार असून, पार्किंगचे नियम मोडणाऱ्या दुचाक्या उचलून आणल्या जाणार आहेत. वाहतूक शाखेचे दहा पोलिस यासाठी दिले जाणार असून, पाच पोलिस सकाळच्या सत्रात, तर पाच रात्रीच्या सत्रात काम करतील.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com