कामगारांच्या समस्या त्वरित सोडवा

भारतीय ट्रेड युनियन यांची मागणी, मुख्यमंत्र्यांना निवेदन
workers
workersDainik gomantak

पणजी : अखिल भारतीय ट्रेड युनियन काँग्रेसच्या गोवा राज्य समितीने अनेक दिवसांपासून प्रलंबित असलेल्या कामगार आणि कर्मचाऱ्यांच्या मागण्या तात्काळ सोडविण्याची मागणी मुख्यमंत्री प्रमोद सावंत यांच्याकडे निवेदनाद्वारे दिली आहे. कदंबा, ग्रामपंचायत, विद्युत विभाग, साबांखा, कामगार पुरवठा संस्था, नदी जलवाहतूक विभागातील कर्मचारी, अंगणवाडी सेविका आणि पूर्व प्राथमिक मदतनीस यांच्या मागण्यांच्या त्यात समावेश आहे.

अखिल भारतीय ट्रेड युनियन काँग्रेसच्या गोवातर्फे जुलै 2021 पासूनच महागाई भत्त्यासह किमान वेतनात त्वरित सुधारणा करण्याची मागणी केली आहे. रू 750 अकुशल श्रेणीसाठी, अर्ध-कुशल वर्गासाठी रु. 825, कुशल कामगारांना रु.910 आणि उच्च कुशल श्रेणीतील कामगारांना रु. 1000/- प्रतिदिन. द्यावे. जेणेकरून गोव्यातील संघटित आणि असंघटित क्षेत्रात कार्यरत असलेल्या 2.5 लाख कामगारांना थेट लाभ होईल, असेही युनियनने निवेदनात म्हटले आहे.

workers
गोव्यात कोसळल्या जोरदार मान्सूनसरी

सरकारी विभाग आणि साबांखा, कदंब महामंडळ, अंगणवाडी, पूर्व प्राथमिक मदतनीस, पंचायत आणि इतर यांसारख्या सरकारी उपकरणांमध्ये कार्यरत असलेल्या सर्व कंत्राटी कामगारांना समान कामासाठी समान वेतन, या कायद्याची अंमलबजावणी करावी. लाईन मदतनिसांच्या सेवा नियमित करा, अशा मागण्या मान्य कराव्या, असेही निवेदनात म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com