कुडचडे: कुडचडे बाजारात 200 आणि 500 रुपयांच्या नकली नोटांचा सुळसुळाट झाला आहे. तोंडाला कपडा गुंडाळलेली महिला आणि हेल्मेट घातलेल्या एका जोडप्‍याकडून एका गरीब फळविक्रेत्या महिलेला फसवले आहे. फसवण्यासाठी भामट्यांनी बनावट नोटा देऊन गंडा घातल्याचा प्रकार आज कुडचडे बाजारात घडल्याने खळबळ माजली आहे.
(Trader duped by using fake currency at Curchorem)
मिळालेल्या माहितीनुसार कुडचडे येथे फळांची विक्री करणाऱ्या एका महिलेला 500 रुपयांची नोट दिली व 50 रुपयांची फळे घेतली. त्‍याचबरोबर उर्वरित 450 रुपये घेऊन जोडप्‍याने पोबारा केला. त्यामूळे नकली नोटा खपविण्यासाठी गरीब आणि अशिक्षित व्यापाऱ्यांना टार्गेट केले जात असल्याचे चित्र आहे.
हा प्रकार विक्रेत्या महिलेला समजल्यानंतर फळेही गेली आणि पैसेही गेले अशी स्‍थिती महिलेची झालेली आहे. अशाच प्रकारे 200 रुपयांची नकली नोट अन्‍य एका व्यापाऱ्याला देण्‍यात आल्‍याचे आढळून आले आहे. यावरून कुडचडे बाजारात नकली नोटांचा सुळसुळाट झाल्याची शक्यता वर्तविण्यात येत आहे.
नागरिकांनी व्यवहार करताना काळजी घेणे आवश्यक आहे. कारण फसवणारे भामटे हे अशीक्षित व्यापारी महिलांना रडावर ठेवत फसवणूक करत आहेत. त्यामूळे फसवणूक झाल्यानंतर दिवसभराची कमाई ही गेली आणि विकलेल्या वस्तुही जातात. आणि यानंतर मात्र हतबल होण्याखेरीज यांच्या हाती काहीच राहात नाही. त्यामूळे पोलिसांनी अशा भामट्यांचा वेळीच बंदोबस्त करणे आवश्यक असून जेमतेम कमाईवर उदरनिर्वाह करणाऱ्या व्यापाऱ्यांची फसवणूक होणे थांबू शकणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
