Arambol : येथील किनारी भागातील अधिकतर पंचायत क्षेत्रांत वाहतूक खात्याकडून रंगविले जाणारे गतिरोधक रंगहीन बनले आहेत. त्यामुळे दुचाकीवरून पर्यटक पडून जखमी होत असल्याच्या घटना नित्य घडत आहेत. त्याचा परिणाम म्हणून त्यांचीच मित्रमंडळी गतिरोधक रंगवत आहेत. यातून पर्यटकच सरकारची अब्रू वेशीवर आणीत असल्याने संताप व्यक्त होत आहे.
गेल्या आठवड्यात एका विदेशी पर्यटक जोडप्याची गाडी गतिरोधक न दिसल्याने उसळून पडल्याची घटना घडली. त्या पर्यटकाच्या पायाचे हाड मोडले. त्याची अवस्था पाहून त्यांच्या मित्रमंडळींनी त्या गतिरोधकावर पांढरे पट्टे रंगविले असून किमान गतिरोधक असल्याचे स्पष्ट झाले आहे.
तिठा भागात तीन गतिरोधक असून एचडीएफसी बँकेसमोरील गतिरोधकाचा अंदाज येत नसल्याने अपघाताचे प्रमाण जास्त असते, असे मत विजय नाईक यांनी व्यक्त केले.
सरकारची अब्रू वेशीवर
वाहतूक खाते केवळ ‘टार्गेट’ पूर्ण करण्यात व्यस्त असल्याने गतिरोधकांमुळे वारंवार होणाऱ्या अपघातांकडे त्यांचे दुर्लक्ष होत आहे. विदेशी पर्यटक गतिरोधक रंगवतात याचे आश्चर्य तर आहेच.
मात्र, खात्याच्या उदासीनतेमुळे सरकारची अब्रू निघत असल्याची प्रतिक्रिया स्थानिक नागरिकांनी दिली.वाहतूक खात्याचा निषेध
पेडणे तालुक्यातील अनेक पंचायत क्षेत्रांत गतिरोधक असून 99 टक्के गतिरोधकांवर रंगच नसल्याने वाहनचालकांना जायबंदी व्हावे लागते.
किमान पावसाळा उलटल्यानंतर गतिरोधक व झेब्रा क्रॉसिंग रंगविणे आवश्यक असते. वाहतूक खात्याला शक्य नसल्यास त्यांनी संबंधित पंचायतींना जबाबदारी द्यावी, असे विदेशी पर्यटक लिकार्ड यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
