डिचोली: डिचोली शहरात अधूनमधून वाहतूक कोंडीचे प्रकार घडत असतानाच काल सोमवारी सायंकाळी मोठा ‘चक्का जाम’ झाला. जवळपास दोन तास वाहतूक खोळंबल्याने नागरिक त्रस्त झाले.
डिचोलीत रस्त्यांचे डांबरीकरण काम सुरू आहे. शहरातील नवीन पुलाजवळ हॉटमिक्स डांबरीकरण काम सुरू असताना सायंकाळी पाचच्‍या सुमारास वाहतुकीची कोंडी झाली. सायंकाळची वेळ असल्याने नेहमीप्रमाणे रस्त्यावर अन्य वाहनांसह अवजड वाहनांची मोठी वर्दळ होती. क्षणार्धात दोन्ही बाजूने वाहनांच्या रांगा लागल्या होत्या. नवीन आणि जुन्या पुलासह, बगलमार्ग, मुस्लिमवाडा आणि आयडीसी रस्त्यावरही वाहने खोळंबून पडली होती.
रुग्णवाहिकाही अडकली
चक्का जाममुळे अनेकजण अडकून पडले. रुग्णवाहिकेलाही या समस्येचा सामना करावा लागला. अखेर वाहतूक विभागाच्या पोलिसांनी धाव घेऊन काही नागरिकांच्या मदतीने वाहतूक सुरळीत केली. जवळपास दोन तास अडकलेल्या वाहनचालकांसह प्रवाशांनी सुटकेचा श्वास सोडला. अलीकडच्या काळात एवढी मोठी वाहतूक कोंडी झाली नव्हती, अशी प्रतिक्रिया अनेकजण व्यक्त करत होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.