Goa Traffic: कळंगुट ते हडफडे मार्गावर वाहतूक कोंडी; न्यू ईयर सेलिब्रेशनसाठी गोव्यात पर्यटकांची गर्दी

Goa Traffic: न्यू ईयर सेलिब्रेशनसाठी गोव्यात पर्यटकांची मोठी गर्दी झाली असून त्यामुळेच ठिकठिकाणी वाहतुकदारांना वाहतूक कोंडीला सामोरे जावे लागले आहे. विशेषतः समुद्रकिनारे असलेल्या भागांमध्ये मोठ्या प्रमाणात पर्यटक जात असल्याने या भागात अनेक ठिकाणी ट्रॅफिक जॅमची समस्या उद्भवली आहे. कळंगुट ते हडफडे भागात मोठ्या प्रमाणात वाहतुक कोंडीचा फटका प्रवाशांना बसला आहे.

नवीन वर्ष दणक्यात साजरे करण्यासाठी देश-विदेशातून अनेक पर्यटक मोठ्या संख्येने गोव्याकडे धाव घेत असतात. यंदाही देशभरातून अनेक पर्यटक गोव्यात दाखल झाले आहेत. त्यामुळेच आज, वर्षाखेरीदिनी म्हणजेच 31 डिसेंबर रोजी गोव्यातील सर्वच समुद्र किनाऱ्यांवर पर्यटकांची गर्दी होती. अनेक पर्यटक सहकुटूंब गोव्यात दाखल झाले आहेत.

दरम्यान, सायंकाळी उत्तर गोव्यातील समुद्रकिनाऱ्यांच्या मार्गावर प्रचंड वाहतूक कोंडी झाली होती. विशेषतः कळंगुट ते हडफडे मार्गावर ट्रॅफिक जॅम झाले होते. त्यामुळे वाहनधारकांना मनस्ताप सहन करावा लागला.