Holi 2023 : कणकिरे विद्यालयात मुलांना नैसर्गिक रंग बनवण्याचे प्रशिक्षण

Holi 2023 : सरकारी प्राथमिक विद्यालय कणकिरे सत्तरी येथे नैसर्गिक रंग बनवण्याची कार्यशाळा घेण्यात आली. पर्यावरण प्रेमी सुर्यकांत गावकर यांच्या मार्गदर्शनाखाली सदर कार्यशाळा संपन्न झाली.

बाजारात उपलब्ध असलेल्या रासायनिक रंगामुळे होणारे दुष्परिणाम याविषयी जागृती आणि नैसर्गिकरीत्या तयार केलेल्या रंगातून आपल्या शरीरावर कोणतेच दुष्परिणाम होत नाही याची माहिती यावेळी सुर्यकांत गावकर यांनी दिली.

निसर्गात मिळणाऱ्या वेगवेगळ्या झाडा,पाना, फुलांपासून हे रंग तयार करता येतात याचे प्रात्यक्षिक प्रत्यक्ष मुलांना व पालकांना यावेळी गावकर यांनी करुन दाखवले.

यावेळी विद्यालयाच्या मुख्याध्यापिका नूतन गावस, शाळा व्यवस्थापन समितीच्या अध्यक्ष सुफला गावडे, शिक्षक तुळशीदास गावस व इतर पालक मोठ्या प्रमाणात उपस्थित होते.

सर्वप्रथम मुख्याध्यापिका नूतन गावस यांनी स्वागत प्रास्ताविक केले आणि या कार्यशाळेचा हेतू स्पष्ट केला. यावेळी बोलताना सुर्याकांत गावकर यांनी नैसर्गिक रंग, निसर्ग या बद्दल माहिती दिली.