Goa Accident : फोंडा मडगाव मार्गावर बोरी येथील टॉपकोला तिस्क येथे आज गुरुवारी सकाळी अपघात झाला. सकाळी साडेसातच्या सुमारास एक भले मोठे झाड रस्त्यावर पडल्याने दुचाकीस्वार गंभीर जखमी झाला. यात दुसरा एक दुचाकीस्वार आणि एक बस थोडक्यात बचावले.
झाड कोसळले त्यावेळेला नेमकी एक प्रवासी बसगाडी आणि दुचाकीस्वार तेथून जात होता. झाड स्स्त्यावर पडल्याने मार्गावर चांगलीच वाहतूक कोंडी झाली. स्थानिकांनी तसेच जवळच राहणाऱ्या पत्रकारांनी घटनास्थळी धाव घेत पडलेल्या झाडाखाली अडकलेल्या दुचाकीस्वाराला बाहेर काढलं. अपघाताची माहिती मिळताच फोंडा पोलिसांनी धाव घेऊन मदतकार्य केले. फोंडा अग्निशामक दलाने तसेच स्थानिकांनी झाड हटवून रस्ता मोकळा केला.
सकाळी अचानक हे झाड रस्त्यावर कोसळले. यावेळी फोंड्याहून वेर्णा येथील औद्योगिक वसाहतीत जाणाऱ्या GA05 Q 8042 या क्रमांकाच्या दुचाकीवर झाडाची फांदी पडली. या दुचाकीवरुन कामाला जाणारा समाधान भीमराव यमगर (वय 29) हा ढवळी - फोंडा येथे राहणारा दुचाकीस्वार झाडाखाली सापडल्याने गंभीर जखमी झाला. त्याला तातडीने उपचारांसाठी रुग्णालयात दाखल करण्यात आलं. फोंडा पोलिसांनी अपघाताचा पंचनामा करुन पुढील तपास सुरु केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
