लुईझिन फालेरोंना तृणमुलकडून उमेदवारी जाहीर, पण..

आगामी काळात गोव्यात विधानसभा निवडणूक होणार आहे. याच पाश्वभूमीवर गोव्यात प्रचाराची रणधुमाळी पाहायला मिळत आहे. केंद्रीय निवडणूक आयोगाने विधानसभा निवडणूकीच्या तारखाही जाहीर केल्या आहेत. राज्यात सत्तेत असणाऱ्या भाजपला पराभूत करण्यासाठी विरोधक चांगलचे तयारीला लागले आहेत. राजकीय नेते प्रचारसभांच्या माध्यमातून एकमेकांवर आरोप-प्रत्यारोपांच्या फैरी झाडत आहेत. याच पाश्वभूमीवर TMC ने गोवा (goa) निवडणुकीसाठी 11 उमेदवारांची पहिली यादी जाहीर केली आहे.

यात फातोर्डा मतदार संघातून लुईझिन फालेरो यांना उमेदवारी जाहीर झाली आहे. ते गोव्याचे माजी मुख्यमंत्री व गांधी घराण्याचे जवळचे असलेले काँग्रेसचे आमदार होते. त्यांनी अलीकडेच काँग्रेस पक्ष सोडलेला आहे. आणि तृणमूलमध्ये प्रवेश केला आहे. त्यांना तृणमूल कडून उमेदवारी जाहीर झाली आहे. गोवा फॉरवर्डचे (Goa Forward) सर्वेसर्वा विजय सरदेसाई (Vijay Sardesai) हे या मतदारसंघाचे आमदार आहेत. विजय सरदेसाई यांच्यासाठीआणि लुईझिन फालेरो यांच्यासाठी ही चुरशीची लढत ठरणार आहे. त्यामुळे या मतदारसंघाकडे सर्वांचे लक्ष लागले आहे.