मडगाव : तृणमूल काँग्रेसने आपल्या उमेदवारांची दुसरी यादी जाहीर केली असून मडगावची उमेदवारी महेश आमोणकर याना दिली असून दोन दिवसांपूर्वी तृणमुलमध्ये प्रवेश केलेले बेंजामिन सिल्वा यांना वेळ्ळीची उमेदवारी जाहीर केली आहे.
मडगावात सुरवातीला तृणमुलचे उमेदवार म्हणून नगरसेवक घनश्याम शिरोडकर यांचे नाव घेत होते, मात्र उमेदवारी शेवटी आमोणकर याना देण्यात आली. वेळ्ळी मतदारसंघात तरुण वकील आंतोनियो क्लोविस याना उमेदवार म्हणून तृणमुलने पुढे आणले होते आणि त्यांनी प्रचारही सुरू केला होता. मात्र ऐनवेळी त्यांना डावलून दोन दिवसांपूर्वीच काँग्रेस (Congress) पक्ष सोडून तृणमुल पक्षात सामील झालेले बेंजामिन सिल्वा याना उमेदवारी जाहीर करण्यात आली.
काणकोण मतदारसंघात काँग्रेसचे बंडखोर महादेव देसाई याना उमेदवारी देण्यात आली आहे. अन्य उमेदवारामध्ये कविता कांदोळकर याना थिवी, लियाव डायस याना शिवोली, अँथनी मिनेझिस याना कलंगुट, तर अँथनी पिशॉट यांना कुडतरीची उमेदवारी देण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
