Mapusa: म्हापसा सिरिंज प्रकरणाच्या मुळाशी जाण्याचा आमचा प्रयत्न - डिसोझा

Joshua D'Souza
Joshua D'SouzaDainik Gomantak

म्हापसा: अलिकडेच येथील नवीन आंतरराज्य बसस्थानक आवारातील शौचालयाच्या खिडकीवर रिकाम्या सिरिंजचा (इंजेक्शन) (Injection) खच सापडलेला आहे. या प्रकरणी स्थानिक पोलिसांना माहिती दिल्यानंतर सर्व यंत्रणा सक्रिय झाल्या आहेत.

पोलिस निरीक्षक या प्रकरणाचा तपास करीत आहेत. या प्रकरणाच्या मुळाशी जाण्याचा आमचा प्रयत्न असल्याचे उपसभापती तथा म्हापशाचे आमदार जोशुआ डिसोझा (MLA Joshua D'souza) यांनी सांगितले. ते शुक्रवारी (ता.29) म्हापशात एका कार्यक्रमानंतर माध्यमांशी बोलत होते.

Joshua D'Souza
स्मृती इराणींच्या ‘सिली सोल्स’समोर अडचणी सुरुच

बसस्थानक आवाराच्या शौचालयात सिरिंज सापडणे, हे गंभीर आहे. याची माहिती केटीसीएल तसेच आरोग्य विभागाला दिली आहे. हा प्रकार बसस्थानकात येणाऱ्‍या पर्यटकांकडून झाला की इतर कुणी केला हे माहिती नाही. याचा शोध घ्यावा लागेल. सध्या पोलिस तपास करीत असून अद्याप तरी काहीही समजलेले नाही, असेही जोशुआ यांनी स्पष्ट केले. रिकाम्या सिरिंज सापडण्याचा हा प्रश्न गंभीर असून पुन्हा असा प्रकार घडू नये यासाठी दक्ष राहावे लागेल, असेही जोशुआ म्हणाले.

म्हापशातील विकासकामांवर जोशुआ म्हणाले, की सध्या भूमिगत वीजवाहिन्या टाकण्याचे काम सुरू केले आहे. त्याशिवाय शहरात रवींद्र भवनासाठी मी प्रयत्नशील असून विधानसभेत या भवनासाठी दोन जागांची ओळख पटविल्याचे सांगितले आहे. हे काम लवकरात लवकर सुरू करण्यावर माझा भर असेल. मात्र, हे काम कधीपर्यंत पूर्ण होईल, हे आश्वासन मी आताच देऊ शकत नाही. याशिवाय म्हापसा मार्केटला गतवैभव मिळवून देण्याचा प्रकल्प हाती घेतला जाईल, अशी ग्वाही जोशुआ यांनी दिली.

मला विधानसभेचे उपसभापतिपद मिळणे हे माझे भाग्य समजतो. मला ही मोठी जबाबदारी मिळालेली आहे. या पदाला योग्य न्याय देण्याचा मी प्रामाणिक प्रयत्न करीन. उपसभापतीची भूमिका ही नेहमीच तटस्थ असावी लागते आणि सर्व विधीमंडळ सदस्यांना मी आश्वासन दिले आहे की, सर्वांना विधानसभेत बोलण्याचा समान हक्क मिळेल, असेही जोशुआ यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com