फोंडा ‘आयडी कोविड’ इस्पितळात सत्तावीस कोरोना रुग्णांना केले भरती

Twenty seven COVID patients were admitted to Ponda hospital
Twenty seven COVID patients were admitted to Ponda hospital

फोंडा: राज्याच्या मध्यवर्ती ठिकाणी फोंड्यात असलेल्या आयडी उपजिल्हा इस्पिळात आज (बुधवारी) पहिल्याच दिवशी सत्तावीस कोरोना रुग्णांना उपचारासाठी दाखल करण्यात आले. मडगावातील कोविड इस्पितळावर ताण पडत असल्याने फोंड्यातील हे इस्पितळ पूर्णपणे कोविड इस्पितळ करण्यात आले असून राज्यातील फोंड्यातील हे दुसरे कोविड इस्पितळ ठरले आहे.

फोंड्यातील आयडी उपजिल्हा इस्पितळात दिवसभरात सत्तावीस कोरोना रुग्णांना उपचारासाठी दाखल करण्यात आले आहे. फोंड्यातील या इस्पितळात कोरोना रुग्णांवर कोरोना तसेच इतर उपचारांसाठी सोयिस्कर ठरेल यासाठी हे इस्पितळ कोविड इस्पितळ म्हणून जाहीर करून त्यात आता कोरोना रुग्णांची भरती करण्यास सुरवात करण्यात आली आहे.

फोंड्यातील आयडी उपजिल्हा इस्पितळात रुग्णांवर उपचार करण्यासाठी आवश्‍यक त्या सुविधा आहेत. त्यामुळे या सुविधांचा वापर कोरोना रुग्णांवर कोविडसंबंधी तसेच इतर उपचारासंबंधीही उपयुक्त ठरणार आहे. त्यातच फोंड्यातील हे कोविड इस्पितळ मध्यवर्ती ठिकाणी असल्याने बहुतांश लोकांना सोयिस्कर ठरणार आहे.

फोंड्यातील या कोविड इस्पितळासाठी डॉक्‍टर व परिचारिका तसेच इतर कर्मचारीवर्ग तैनात करण्यात आला आहे. दरम्यान, फोंड्यातील आयडी उपजिल्हा कोविड इस्पितळ जाहीर केल्यानंतर तालुका तसेच लगतच्या इतर भागातील लोकांची अन्य आरोग्य तपासणीसाठी गैरसोय होऊ नये यासाठी फर्मागुढीतील दिलासा इस्पितळाची सोय करण्यात आली असून या इस्पितळात आज (बुधवारपासून) रुग्ण तपासणी सुरू झाली आहे.

संपादन: ओंकार जोशी

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com