Glenn Ticlo : हळदोणा मतदारसंघाचे माजी आमदार ग्लेन टिकलो यांना दमदाटी करीत त्यांच्या आलिशान कारगाडीची नासधूस केल्याप्रकरणी कळंगुट पोलिसांत संशयित सर्वेश दिवकर, मेलकॉम फर्नांडिस तसेच जॉयलन या तीन तरुणांच्या विरोधात रितसर तक्रार दाखल करण्यात आली असून पोलिसांकडून आतापर्यंत दोघांना याबाबतीत कायदेशीर अटक झाल्याची माहिती पोलिसांनी दिली.
मारहाण प्रकरणात सहभागी तिसरा संशयित जॉयलन फरार असून पोलिस त्याचा शोध घेत आहेत. शुक्रवारी रात्री पावणेबाराच्या सुमारास घडल्याचे कळंगुट पोलिसांनी सांगितले. ग्लेन टिकलो यांचे कळंगुट -बागा रस्त्यावर रिसॉर्ट आहे.
शुक्रवारी रात्री नेहमीप्रमाणेच टिकलो दैनंदिन व्यवहार आटोपून आपल्या म्हापसा येथील घरी निघाले असता पाठीमागून मोटरसायकलवरून आलेल्या संशयित सर्वेश दिवकर यांनी त्यांना रस्ता अडवल्याचेनिमित्त करून टिकलो यांच्या ड्रायव्हरशी हुज्जत घातली.
बाचाबाची वाढतच गेल्याने संशयित सर्वेश दिवकर यांनी त्वरित मोबाईल वरून संपर्क साधत मेलकॉम फर्नांडिस तसेच जॉयलन या आपल्या मित्रांना घटनास्थळी बोलावून घेतले व तिघांनी मिळून टिकलो यांना जीवे मारण्याची धमकी देत त्यांच्या गाडीची नासधूस केले, असे तक्रारीत म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
