Shigmo Parade : गोव्यात शिगमो मिरावणुकीवेळी दोन गटात तुफान राडा; एकजण गंभीर जखमी

गोमंतकीय लोकसंस्कृती, लोककला, लोकपरंपरेचा आविष्कार घडविणाऱ्या शिगमोत्सवाची सर्वचजण आतुरतेने वाट बघत असतात. सध्या गोव्यात सगळीकडे शिगमोत्सवाचे वातावरण आहे. काल पणजीमध्ये शिगमो मिरवणूक पार पडली. ‘घणचे कटर घण’ ‘ओस्सय ओस्सय’ने पणजी शहर दुमदुमले आहे. मात्र अशातच सणाला गालबोट लागेल अशी घटना घडली आहे. (Two groups fight during Shigamo parade one seriously injured)

शिगमोत्सवाच्या मिरावणुकीवेळी दोन गटात राडा झाला. मेरशी जंक्शनजवळ ही घटना घडली. कोणत्यातरी कारणावरून दोन गटात मारामारी सुरू झाली. हे प्रकरण पुढे वाढत गेले आणि त्यांनी मिरावणुकीसाठी बनवलेल्या चित्ररथाची मोडतोडही केल्याचे सांगण्यात येत आहे.

या मारामारीत एक तरुण गंभीर जखमी झाला असून त्याला GMC मध्ये उपचारासाठी दाखल करण्यात आले आहे. या घटनेचा पोलीस पुढील तपास करत आहेत.