दक्षिण गोव्यातील बाणावली समुद्रात परप्रांतीय मच्छीमारांनी अवैधरित्या घुसखोरी

बाणावलीतील समुद्रात कारवाई, मच्छीमार बांधवांची पोलिसांना मदत, कर्नाटकातून आलेले दोन ट्रॉलर जप्त
दक्षिण गोव्यातील बाणावली समुद्रात परप्रांतीय मच्छीमारांनी अवैधरित्या घुसखोरी
Two Trawler from Karnataka seized in Goa (संग्रहित फोटो)Dainik Gomantak

सासष्टी: दक्षिण गोव्यातील बाणावली समुद्रात (goa banavali beach) परप्रांतीय मच्छीमारांनी अवैधरित्या घुसखोरी करून मासेमारी केल्याप्रकरणी काल सोमवारी बाणावलीतील स्थानिक मच्छीमार (Fisherman) बांधवांच्या मदतीने साहाय्याने मत्स्यव्यवसाय विभाग आणि बेतुल किनारपट्टी सुरक्षा पोलिसांनी (Goa Police) कारवाई करीत कर्नाटक राज्यातून आलेले दोन ट्रॉलर जप्त केले. या कारवाईत घुसखोरी केलेल्या एकूण अकरा मच्छीमारांना ताब्यात घेण्यात आले आहे. परप्रांतीय मच्छीमाऱ्यांकडून गोव्यातील समुद्रात मासेमारी करण्यात आल्याने स्थानिक माच्छीमार बांधवांमध्ये संताप व्यक्त करण्यात येत आहे.

Two Trawler from Karnataka seized in Goa (संग्रहित फोटो)
गोव्यातील कदंब कर्मचारी संघटनेचा महामंडळाला इशारा

याबाबत माहिती अशी की, बाणावलीतील मच्छीमार आज सकाळी मासेमारी करण्यासाठी समुद्रात गेले होते. मासेमारी करत असताना या स्थानिक मच्छीमारांना खोल समुद्रात परप्रांतीय मच्छीमार बेकायदेशीररित्या मासेमारी करीत असल्याचे निदर्शनास आले. स्थानिक मच्छीमारांनी त्वरित बेतुल किनारपट्टी सुरक्षा पोलिस तसेच मत्स्यव्यवसाय विभागाला या प्रकराची माहिती दिली. पोलिसांनी त्वरित समुद्र किनाऱ्यावर येऊन स्थानिक मच्छीमारांच्या मदतीने समुद्रात गेले आणि कर्नाटक राज्यातून आलेले दोन ट्रॉलर जप्त केले. एकूण अकरा मच्छीमारांना ताब्यात घेतले. या सर्व मच्छीमाऱ्यांवर मत्स्यव्यवसाय विभागाकडून कारवाई करण्यात येणार आहे.

गोव्यातील समुद्रात होणाऱ्या या घुसखोरीवर रोख लावण्यासाठी ताब्यात घेण्यात आलेल्या या अकराही परप्रांतीय मच्छीमारांवर कडक कारवाई करावी, अशी मागणी स्थानिक मच्छीमार पेले फर्नांडिस यांनी केली.

Two Trawler from Karnataka seized in Goa (संग्रहित फोटो)
Goa Rain Updates: आज मुसळधार पावसाची शक्यता

दोन ते तीन टन मासेमारी

मासेमारीचा हंगाम सुरू होताच परप्रांतीय मच्छीमार मोठ्या प्रमाणात अवैधरित्या गोव्यातील समुद्रात येऊन मासेमारी करतात. परप्रांतीय मच्छीमारांकडून घुसखोरी करण्यात येत असल्यामुळे स्थानिक मच्छीमारांना याचा फटका बसत आहे. आज कर्नाटक राज्यातून दोन ट्रॉलर आले होते. त्यांनी अंदाजे 2 ते 3 टन इतकी मासेमारी केली आहे.

Related Stories

No stories found.
Dainik Gomantak
www.dainikgomantak.com