Goa Self Accident : गेले काही दिवस राज्यातील अपघातांचं सत्र सुरूच आहे. अपघातांची संख्या दिवसेंदिवस वाढतेय. दुचाकी-चारचाकी वाहनांसोबत ट्रक, बसेस या मोठ्या वाहनांचे अपघातही मोठ्या प्रमाणात होत आहेत.
साल्झोरा कुंकळ्ळी येथे आज पहाटे अडीच वाजता झालेल्या अपघातात सर्फराज बेपारी (27) आणि नझील बेपारी (23) या चांदर येथील युवकांचे निधन झाले. हे दोघेही जण चुलत भाऊ असून दुचाकीवरील नियंत्रण गेल्याने हा अपघात घडल्याचे सांगण्यात येते.
पहाटेच्या सुमारास ते कुंकळ्ळीच्या दिशेने जात असताना हा अपघात घडला. त्यांचे गाडीवरील नियंत्रण गेल्याने ते रस्त्यावरून फरफटत पुढे गेले. नंतर त्यांची गाडी जाऊन एका झाडाला आपटल्याने त्यांचे घटना स्थळीच निधन झाले. या प्रकरणी कुंकळ्ळी पोलीस पुढील तपास करत आहेत.
दरम्यान, सीतावडा येथे हुबळी-गोवा महामार्गावर गोव्यात जाणाऱ्या वाहनाने ठोकर दिल्याने हा अपघात घडला आहे. या अपघातात तीन महिलांचा जागीच मृत्यु झाला असून एक गंभीर जखमी झाला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.