Leopard Death एका बाजूने राज्यात वेगवेगळ्या भागांत जंगलांना आग लागण्याच्या घटना वारंवार घडत असून रानटी जनावरे सुरक्षित अधिवास शोधत आहेत. मात्र, ही जनावरे काही लोकांनी शिकारीसाठी लावलेल्या फासात अडकून मरण पावण्याच्या घटना घडत आहेत.
पाडादेग-शिरवई (केपे) येथे एक बिबट्या फासात अडकून गंभीर जखमी झाल्याने मरण पावल्याचे वन खात्यातर्फे सांगण्यात आले.
आज सकाळी 8.30 वाजता एक युवक पाडादेग येथे कुळागारात बंद असलेल्या लॉजमध्ये मित्रांसह विश्रांती घेण्यासाठी गेला असता, त्याला लॉजमधील एका कोपऱ्यात बिबटा असल्याचे दिसून आले.
त्याने या कुळागाराची राखण करणाऱ्या व्यक्तीला बोलावून आणले व तेथे बिबट्या असल्याचे सांगितले. जवळ जाऊन पाहणी केली असता, बिबट्या हालचाल करीत नसल्याचे दिसून आले. याची माहिती वन खात्याच्या अधिकाऱ्यांना दिली असता, त्यांनी घटनास्थळी पाहणी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.