सलग दोन दिवस अवकाळी पाऊस; मयेतील भातशेती आडवी

काही शेतकऱ्यांनी घेतली कापणी आणि मळणीची कामे उरकून
Unseasonal rains destroy rice farming
Unseasonal rains destroy rice farming Dainik Gomantak

डिचोली: सलग दोन दिवस अवकाळी पावसाने दिलेल्या तडाख्यामुळे डिचोलीत वायंगण भातशेतीचे बरेच नुकसान झाले. वायंगणी शेती कापणीसाठी तयार झाली असतानाच, सलग दोन दिवस जोरदार पाऊस पडल्याने मयेसह अन्य भागांत भाताची कणसे आडवी पडली. कापणीच्या तोंडावर अवकाळी पावसाने कहर केल्याने शेतकरी सध्या चिंताग्रस्त झाले आहेत.

अवकाळी पावसाचा कहर असाच सुरू राहिल्यास यंदा वायंगणी भातशेती बुडाल्यातच जमा असेल, अशी भीती शेतकरी व्यक्त करीत आहेत. अवकाळी पावसाचा धोका ओळखून मयेतील काही शेतकऱ्यांनी आहे त्याच स्थितीत आणि शक्य आहे त्या भातपिकाची कापणी आणि मळणी हाती घेतली आहे. मंगळवारी काही शेतकऱ्यांनी यंत्राच्या मदतीने कापणी आणि मळणीची कामे काही प्रमाणात उरकून घेतली.

Unseasonal rains destroy rice farming
गोव्यात अजूनही रेती वाहतूक चालूच...

शेतीला वातावरण पूरक; पण पावसामुळे पीक आडवे

डिचोलीतील मयेसह पिळगाव, कुडचिरे आदी भागांत शेतकरी वायंगणी शेती करतात. यंदा वायंगणी शेतीसाठी समाधानकारक वातावरण निर्माण झाले होते. भातशेती पिकून कापणीसाठीही तयार झाली होती. शेतकरी भात कापणी आणि मळणीच्या तयारीला लागले असतानाच अवकाळी पावसाने कहर केला. त्यामुळे शेतकरी हताश झाले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com