Goa Traffic: पर्यटकांच्या वाहनांमुळे उसगाव, खांडेपारमध्ये वाहतुक कोंडी; आठवडाभरात चार अपघात

Usgaon: गोव्यात नवीन वर्ष साजरे करण्यासाठी येणाऱ्या पर्यटकांच्या संख्येत प्रचंड वाढ झालेली आहे. कर्नाटकातून मोले-उसगावमार्गे फोंडा व पणजीला जाणाऱ्या पर्यटकांच्या वाहनांमुळे खांडेपार भागात वाहतूक कोंडीचे प्रकार घडत आहेत.

कर्नाटक राज्यातील बेळगाव, हुबळी तसेच महाराष्ट्रातील कोल्हापूर व इतर राज्यांतून गोव्यात पर्यटनासाठी येणाऱ्या वाहनांची संख्या वाढली असल्याने खांडेपारच्या जुन्या पुलावर वाहनांची कोंडी होत आहे.

परराज्यांतील चालकांना गोव्यातील रस्त्यांचा अंदाज येत नसल्याने अपघातांचे सत्र सुरूच असून उसगाव ते खांडेपार महामार्गावर गेल्या आठवडाभरात चार अपघात घडले आहेत.