गोवा ग्राहक तक्रार निवारण आयोगाच्या प्रभारी अध्यक्ष म्हणून आयोगाच्या ज्येष्ठ सदस्या वर्षा बाळे यांच्याकडे ताबा देण्यात आला आहे. पहिल्यांदाच या आयोगाचे अध्यक्षपद एका महिलेकडे आले आहे. गोवा ग्राहक तक्रार निवारण आयोगाच्या पहिल्या महिला अध्यक्ष बनण्याचा मान वर्षा बाळे यांना मिळाला आहे.
दरम्यान, या आयोगाचे यापूर्वीचे प्रभारी अध्यक्ष धनंजय जोग हे महिन्याच्या अखेरीस निवृत्त होत असल्याने आता त्यांची जागा ॲड. बाळे या घेणार आहेत.
उच्च न्यायालयाच्या निवृत्त न्यायाधीशांना या आयोगाचे अध्यक्ष म्हणून नेमण्यात येते. पण अध्यक्ष नसल्यास आयोगाच्या ज्येष्ठ सदस्यांची प्रभारी अध्यक्ष म्हणून नियुक्ती केली जाते. या पूर्वी या आयोगाचे अध्यक्ष असलेले माजी न्यायमूर्ती उत्कर्ष बाक्रे हे फेब्रुवारी 2020 मध्ये निवृत्त झाले होते.
त्यानंतर या आयोगावर अध्यक्ष म्हणून कुणाचीही नेमणूक केली नव्हती. अध्यक्षांच्या गैर हजेरीत जोग हे प्रभारी अध्यक्ष म्हणून काम पाहत होते. आता नवीन अध्यक्षांची नियुक्ती होईपर्यंत बाळे अध्यक्ष म्हणून काम पाहणार आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
