वास्को-निजामुद्दीन एक्सप्रेस बेळगावमध्ये आता 10 मिनिटे थांबणार

दिल्लीतून (Delhi) वास्कोला जाणारी हजरत निजामुद्दीन एक्सप्रेस (Vasco-Nizamuddin Express) रेल्वे 18 ऑक्टोबरपासून बेळगाव (Belgaum) स्थानकावर 10 मिनिटे थांबणार आहे. दिल्लीला बेळगावमधून तरकारी माल तसेच इतर साहित्याची वाहतूक केली जाते. परंतु याआगोदर बेळगावमध्ये केवळ 5 मिनिटे रेल्वे थांबत असल्याने माल चढविणे किंवा उतरविणे गैरसोयीचे होत होते. त्यामुळे हा रेल्वेच्या थांबण्यातील कालावधी आता वाढवून 10 मिनिटांचा करण्यात आला आहे. त्यामुळे शेतकऱ्यांबरोबर व्यापाऱ्यांनीही समाधान व्यक्त केले आहे.

दरम्यान, वास्को निजामुद्दीन ही रेल्वे सायंकाळी 7.25 वा. बेळगाव स्थानकात दाखल होऊन 7.35 वाजता दिल्लीकडे रवाना होणार आहे. तर वास्को निजामुद्दीन रेल्वे रात्री 12.50 वा. बेळगावमध्ये दाखल होऊन रात्री 1 वा. वास्कोकडे रवाना होईल, अशी माहिती रेल्वे अधिकाऱ्यांकडून देण्यात आली आहे.