विजय सरदेसाई यांच्याकडून कामत गटावर विश्वासघाताचा आरोप

डाटा ऑपरेटर नियुक्तीशी संबंध नसल्याचा खुलासा
आमदार विजय सरदेसाई
आमदार विजय सरदेसाई Dainik Gomantak

मडगाव : मडगाव पालिकेत सध्या गाजत असलेल्या डाटा ऑपरेटर नियुक्ती प्रकरणावरून सध्या फातोर्डा फॉरवर्ड व मॉडेल मडगाव या गटातील नगरसेवकांमध्ये राजकीय कलगीतुरा रंगू लागला आहे. याच पार्श्वभूमीवर गोवा फॉरवर्डचे अध्यक्ष विजय सरदेसाई यांनी आम्हाला काळोखात ठेवून केलेले हे कृत्य अशी प्रतिक्रिया व्यक्त करताना हा आमच्याशी केलेला एक प्रकारचा विश्वासघात अशी सनसनाटी प्रतिक्रिया व्यक्त केली आहे.

सरदेसाई यांचा फातोर्डा फॉरवर्ड आणि दिगंबर कामत यांचा मॉडेल मडगाव या दोन गटांनी एकत्र येऊन मडगाव पालिकेत भाजपला बाजूला ठेवत नगरमंडळ स्थापन केले होते. यावेळी पाहिले १५ महिने फॉरवर्डचा नगराध्यक्ष, तर नंतरच्या १५ महिन्यांसाठी मॉडेल मडगावचा नगराध्यक्ष असा फॉर्म्युला ठरला होता. ठरलेल्या करारानुसार पुढच्या महिन्यात नगराध्यक्ष बदलणार आहे. असे असताना स्वतः नगराध्यक्ष बनू पाहणाऱ्या घनश्याम शिरोडकर यांनी हे डाटा ऑपरेटर्स नियुक्ती प्रकरण उकरून काढताना दिगंबर कामत आणि विजय सरदेसाई यांच्या आशीर्वादाने या नियुक्त्या झाल्याचा आरोप केला होता.

‘आम्हाला अंधारात ठेवून नियुक्त्या’

आमदार विजय सरदेसाई यांनी या नियुक्त्यांबद्दल आपल्याला काहीच माहिती नसून आपल्या गटातील एकही नगरसेवक त्यात सामील नाही. नगराध्यक्ष लिंडन परेरा हे नसताना त्यांच्या गैरहजेरीत नगराध्यक्षपदाचा ताबा सांभाळणाऱ्या उपनगराध्यक्ष दीपाली सावळ यांच्या सहीने ही नियुक्तीपत्रे गेली असून आम्हाला अंधारात ठेवून एकाच मतदारसंघातील पाचजणांच्या या नियुक्त्या केल्या गेल्या, असा आरोप सरदेसाई यांनी केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com