Corona Third Wave: चिखली उपजिल्हा रुग्णालयात नियमांची पायमल्ली

Corona Third Wave: कोरोनाच्या तिसऱ्या लाटेच्या (Third wave of corona) पार्श्वभूमीवर चिखली उपजिल्हा इस्पितळामध्ये काही खबरदारीच्या उपाययोजना आखण्यात आल्या आहेत. परंतु त्या उपाययोजनांची योग्य ती अंमलबजावणी होत नसल्याचे दिसत आहे. येथील रुग्ण नोंदणी काऊंटर इस्पितळाबाहेर हलविण्यात आले आहे. परंतु तेथे सामाजिक अंतरासंबंधी (Social Distance) योग्य ती खबरदारी घेतली नसल्याचे दिसून आले. तसेच तेथे येणाऱ्या रुग्णांना व इतरांसाठी असलेली सॅनिटायझरची सोय दुसरीकडे आहे, त्यामुळे तिचा वापर होत नाही. याप्रकरणी संबंधितांनी लक्ष घालण्याची गरज आहे.

चिखली उपजिल्हा इस्पितळामध्ये (Chikhali Sub-District Hospital) येणाऱ्या रुग्णांना तेथील काऊंटरवर नावनोंदणी करावी लागत होती. परंतु त्यामध्ये बदल करून तेथील व्यवस्था इस्पितळाच्या प्रवेशद्वाराजवळ करण्यात आली आहे. यासंबंधी पूर्वीच्या काऊंटरवर कोणतीही सूचना लिहण्यात न आल्याने रुग्ण पूर्वीच्या काऊंटरसमोरच नावनोंदणीसाठी उभे राहतात. तेथे नावनोंदणी होत नसल्याचे त्यांना काहीवेळाने कोणीतरी सांगितल्यावर त्यांची धावपळ उडते.

ज्या ठिकाणी नावनोंदणी होते त्या ठिकाणी रुग्णांनी सामाजिक अंतरपाळावे यासाठी लक्ष ठेवण्यासाठी कोणीच उपस्थित नसतो. त्यामुळे रुग्ण रांगेत राहतात, पण त्यांच्यामध्ये सामाजिक अंतर नसते. ग्रामस्थ सॅनिटायझरचा वापर न करता रुग्ण रांगेत उभे राहतात. महिला व पुरुष यांच्यासाठी वेगवेगळ्या रांगा येथे नजरेस पडत नाहीत. ज्येष्ठ नागरिकांसाठी असलेली रांगही महिला व पुरुष रांगेच्या अतिशय जवळ आहे. तसेच कोविड चाचणीसाठी (Corona Test) येणारेही तेथेच उभे राहतात. त्यामुळे प्रवेशद्वारासमोर गर्दी दिसून येते.