Revolutionary Goans : रिव्हॉल्युशनरी गोवन्स सर्वसामान्यांचा आवाज विधानसभेत पोहोचवणार

गोमंतकीयांनी 18 जूनपर्यंत आपले प्रश्‍न रिव्हॉल्युशनरी गोवन्सकडे पोहोचवण्याचं आवाहन
Revolutionary Goans : रिव्हॉल्युशनरी गोवन्स सर्वसामान्यांचा आवाज विधानसभेत पोहोचवणार
Viresh Borkar Revolutionary GoansDainik Gomantak

पणजी : आपल्या मतदारसंघातील सर्वसामान्यांचे प्रश्न सोडवण्यासाठी रिव्हॉल्युशनरी गोवन्स पक्षाचे सांत आंद्रेचे आमदार वीरेश बोरकर सतत प्रयत्नशील असतात. आता विधानसभा अधिवेशनात गोमंतकीयांचे प्रश्‍न हिरिरीने मांडू. आमदार या नात्‍याने राज्‍याचे आणि पर्यायाने सांतआंद्रे मतदारसंघातील समस्या, प्रश्‍न आणि अडचणी सोडवणे माझे कर्तव्‍य आहे, असे म्हणत वीरेश बोरकर यांनी तक्रारी आपल्यापर्यंत पोहोचवण्याचं आवाहन केलं आहे.

सर्वसामान्यांचे प्रश्न सोडवण्यासाठी लोकांचे सहकार्यही तितकेच महत्त्वाचे आहे. यासाठी गोमंतकीयांनी 18 जूनपर्यंत आपले प्रश्‍न रिव्हॉल्युशनरी गोवन्स पक्षाकडे पोहोचवावेत, असे आवाहन रेव्होल्युशनरी गोवन्‍स पक्षाचे आमदार वीरेश बोरकर यांनी पत्रकार परिषदेत केले. राज्‍यात गुन्‍हेगारी वाढत आहे. दररोज काही ना काही गुन्‍हे घडत आहेत. पोलिसांचे आणि गृहखात्‍याचे यावर नियंत्रण नाही, असा आरोपही त्यांनी यावेळी केला आहे.

Viresh Borkar Revolutionary Goans
व्यवसाय कायदेशीर असल्यास लोबोंनी घाबरू नये: सदानंद तानावडे

केवळ बैठका घेऊन काही उपयोग होणार नाही. यावर कायमस्‍वरुपी तोडगा काढण्याची आवश्‍यकता असल्‍याचे आमदार बोरकर म्‍हणाले. गोमंतकीयांना विश्‍वासात न घेता विकास प्रकल्‍प रेटले जात आहेत. याविरुद्ध आवाज उठविण्याची गरज आहे, असे आमदार बोरकर म्हणाले. दरम्‍यान, गोमंतकीयांनी आपले प्रश्‍न mla.santacruz.gds@gov.in या ई-मेल पत्त्यावर 18 जूनपूर्वी पाठवावेत, असे आवाहन आमदार बोरकर यांनी यावेळी केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com