OffCourse, विश्वजीत राणेच मुख्यमंत्रीपदासाठी योग्य; विजय सरदेसाईंच्या वक्तव्याने भुवया उंचावल्या

निती आयोगाची आकडेवारी चुकीची असल्याचं मुख्यमंत्र्यांनी नुकतंच म्हटलं होतं. मुख्यमंत्री डॉ. प्रमोद सावंत यांच्या या वक्तव्याचाही सरदेसाईंनी पुरता समाचार घेतला आहे.
Vijai Sardesai
Vijai Sardesai Dainik Gomantak

Vishwajit Rane as Goa CM : विश्वजीत राणे मुख्यमंत्रिपदासाठी योग्य असल्याचं वक्तव्य गोवा फॉरवर्डचे सर्वेसर्वा आणि फातोर्ड्याचे आमदार विजय सरदेसाई यांनी केलं आहे. सरदेसाईंच्या वक्तव्याने राजकीय वर्तुळात मात्र भुवया उंचावल्या आहेत. निती आयोगाची आकडेवारी चुकीची असल्याचं मुख्यमंत्र्यांनी नुकतंच म्हटलं होतं. मुख्यमंत्री डॉ. प्रमोद सावंत यांच्या या वक्तव्याचाही सरदेसाईंनी पुरता समाचार घेतला आहे. गोव्याचा मुख्यमंत्री बदलण्याची गरज असून विश्वजीत राणे निश्चितच या पदासाठी योग्य असल्याचं सरदेसाईंनी म्हटलं आहे.

गोव्याचे मुख्यमंत्री प्रमोद सावंत निती आयोगाने दिलेली आकडेवारी खोटी म्हणून आपलं अपयश लपवण्याचा प्रयत्न करत आहेत. गोव्यात 1 लाखांहून अधिक बेरोजगार असल्याची आकडेवारी ही सांख्यिकी खात्याने तयार केलेली आहे. मात्र मुख्यमंत्र्यांनी एवढंही माहित नसणं हे दुर्दैव असल्याचा टोला सरदेसाईंनी लगावलाय. मुख्यमंत्री केवळ सगळं आपल्या हातात यावं यासाठी आग्रही असतात. मात्र सर्वसामान्य गोवेकरांच्या प्रश्नांचं त्यांना काहीही पडलेलं नाही. गोव्यात नुकत्याच आयोजित करण्यात आलेल्या रोजगार मेळाव्याला 20 हजार तरुणांनी नोंदणी केली आणि तेवढेच गोव्यात बेरोजगार आहेत, हा मुख्यमंत्र्यांचा तर्क चुकीचा असून त्यांनी वक्तव्य करण्याआधी माहिती घ्यावी असा सूचक सल्लाही विजय सरदेसाईंनी दिला आहे.

Vijai Sardesai
विश्वजित राणे गोव्याचे मुख्यमंत्री होण्यास उत्सुक

दरम्यान गोव्यात सत्ताबदलाची गरज असून बरेचजण मुख्यमंत्रीपदासाठी इच्छुक आहेत, असा दावाही सरदेसाईंनी केला आहे. गोव्यात मुख्यमंत्री मनमानी करत असून त्यांना कुणीही याबाबत विचारणा करण्यास तयार नाही. मात्र गोव्यात सत्ताबदलाचे वारे वाहू लागले असून संधी मिळाल्यास विश्वजीत राणे, दिगंबर कामत हे दोघेही या पदावर दावा करु शकतात असंही सरदेसाईंनी सांगितलं आहे.

विश्वजीत राणे मुख्यमंत्रीपदासाठी योग्य म्हणत असतानाच सरदेसाईंनी त्यांच्यावरही चांगलीच टीका केली आहे. राणेंना रिजनल प्लानिंग म्हणजे जमत नसल्याचं खुद्द निती आयोगच सांगतो. मात्र प्रमोद सावंत यांच्यापेक्षा विश्वजीत राणे मुखमंत्रीपदासाठी योग्य असल्याचं सरदेसाईंचं म्हणणं आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com