Vishwajit Rane : टॅंकर माफियांवर वरदहस्त अभियंत्यांचा; सरकारने माफियांची चौकशी करावी

आरोग्यमंत्री विश्‍वजीत राणे यांची सरकारकडे मागणी
Vishwajit Rane
Vishwajit Rane Dainik Gomantak

Vishwajit Rane : सत्तरीत टॅंकर माफिया कार्यरत असल्याचा आरोप आरोग्यमंत्री विश्‍वजीत राणेंनी केला आहे. याबाबत सार्वजनिक बांधकाम खात्याचे मंत्री निलेश काब्राल यांच्याशी बोलणार असून टँकर माफियांची सरकारने चौकशी करावी अशी मागणी विश्‍वजीत राणेंनी केली.

सत्तरी तालुक्यात अनेक गावांमध्ये दररोज किंवा दोन-तीन दिवसांनी टॅंकरव्दारे पाणी पुरवठा केला जातो. काही भाग डोंगरमाथ्यावर येत असल्याने तेथे जलवाहिनीचे पाणी पोहोचत नाही.

Vishwajit Rane
Goa Crime News : गोव्यातील माजी आमदाराला जाळून मारण्याची धमकी; दोघांना अटक, एक फरार

सत्तरीत टॅंकर माफिया कार्यरत आहेत. टॅंकर माफियांचे अभियंत्यांशी संगनमत आहे. सत्तरीत पिण्याच्या पाण्याची समस्या आहे. त्यामुळेच टॅंकर माफियांचा व्यवसाय अधिक होतो. या मुद्द्यावर सार्वजनिक बांधकाम खात्याचे मंत्री निलेश काब्राल यांच्याशी बोलणार आहे. तसेच सरकारने टँकर माफियांची चौकशी करावी अशी मागणी मंत्री विश्‍वजीत राणे यांनी केली आहे.

सत्तरी तालुक्यातील 70 टक्के गावांना पिण्याच्या पाण्याचा पुरवठा दाबोस पाणी प्रकल्पामधून होतो. येथील जनता ही नळाच्या पाण्यावर अवलंबून आहे. तर सत्तरीत अशी काही गावे आहेत त्या ठिकाणी दररोज टॅंकरद्वारे पाणीपुरवठा केला जातो.

Vishwajit Rane
Goa Tourism : गोव्याच्या समुद्रकिनाऱ्यांवर नेमकं चाललंय काय? हा फोटो एकदा बघाच

सध्या सत्तरीत विकासकामांचा झपाटा सुरू आहे. त्यात काही ठिकाणी नवीन जलवाहिनी घालण्याचे काम सुरू आहे, तर काही ठिकाणी नवनवीन प्रकल्प येण्याच्या तयारीत आहेत.

सत्तरीत पाण्याच्या टंचाईचे मुख्य कारण म्हणजे नळाची जी जलवाहिनी आहे ती कमी क्षमतेची असून पाणी सोडताना जास्त क्षमतेने सोडत असल्याने वारंवार जलवाहिनी फुटण्याचा प्रकारांत वाढ होत आहे. त्याचबरोबर काही ठिकाणी जलवाहिनी फुटल्याने गळती लागून पाणीपुरवठा सुरळीत होत नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com