Vishwajit Rane EXCLUSIVE | गोव्यात कॉंग्रेस पक्षाकडे नेतृत्वाचा अभाव : विश्वजीत राणे

विरोधी पक्षनेतेही नवीन, त्यांच्याकडे कोणतीही विचारधारा नसल्याचा विश्वजीत राणेंचा टोला
Vishwajit Rane EXCLUSIVE |  गोव्यात कॉंग्रेस पक्षाकडे नेतृत्वाचा अभाव : विश्वजीत राणे
Vishwajit Rane Dainik Gomantak

पणजी : गोव्यातील काँग्रेस नेतृत्त्वावर विश्वजीत राणेंनी थेट निशाणा साधला आहे. गोव्यात कॉंग्रेस पक्षाकडे नेतृत्वाचा अभाव आहे. आज आहेत ते उद्या कुठे जाणार हे माहित नाही. जे नेते झाले आहेत त्यांना तीन महिने देखील अजून झालेले नाहीत. त्यांच्या पक्षाच्या अध्यक्षाची मनःस्थिती चांगली नाही, अशा शब्दात विश्वजीत राणेंनी काँग्रेसवर हल्लाबोल केला आहे. विरोधी पक्षनेते देखील नवे आहेत त्यांच्यापाशी कोणतीही विचारधारा नाही, असा टोलाही त्यांनी लगावला आहे. गोमन्तकला दिलेल्या विशेष मुलाखतीमध्ये विश्वजीत राणे यांनी विविध विषयांवर भाष्य केलं.

Vishwajit Rane
विरोधकांकडून लोकांची दिशाभूल: निलेश काब्राल

गोव्याचे काँग्रेस प्रदेशाध्यक्ष अमित पाटकर यांनी विश्वजीत राणे यांच्यावर नुकतीच ट्विटरच्या माध्यमातून टीका केली होती. सत्तरीची शान वाघेरी डोंगर कुणी विकला ? तेव्हा मंत्री विश्वजीत राणे कुठे होते ? वाघेरीच्या विध्वंसाचं ध्येय कुणाचं होतं ? या प्रश्नांची विश्वजीत राणेंनी उत्तरं द्यावी. सवयीप्रमाणे विश्वजीत राणे घाईत आणि संभ्रमीत असल्याचा निशाणा काँग्रेसचे प्रदेशाध्यक्ष अमित पाटकर यांनी साधला होता. यावर बोलताना विश्वजीत राणेंनी काँग्रेसच्या नेतृत्वावर निशाणा साधला आहे.

Vishwajit Rane
'कॅबिनेट दर्जा मागितला नव्हता; सरकारने स्वत:हून दिला'

दरम्यान मला पक्षाने माझी भूमिका समजावून सांगितली आहे. केंद्रीय अध्यक्ष जे पी नड्डा, केंद्रीय गृहमंत्री अमित शाह आणि पंतप्रधान नरेंद्र मोदींच्या नेतृत्त्वात भाजप पारदर्शक कारभार करत आहे. आपल्यालाही गोव्यात पारदर्शक कारभार करायचा आहे, असं विश्वजीत राणेंनी स्पष्ट केलं भाजपचे नेते जी माझी भूमिका ठरवतात त्यात मी आनंदी आहे. मात्र ज्यांनी भष्ट्राचार केला आहे त्यांनी सावध राहण्याची गरज असल्याचंही विश्वजीत यांनी स्पष्ट केलं आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.