Goa Education: शालेय विद्यार्थ्यांसाठी ‘व्हिजन फॉर ऑल’

नवी योजना : ‘प्रसाद नेत्रालय सुपर स्पेशालिटी’शी करार
Goa Education
Goa EducationDainik Gomantak

Goa School: गोवा सरकारने ‘व्हिजन फॉर ऑल’ योजनेखाली डोळे तपासणी, चष्मा वितरण व डोळ्यांविषयी इतर समस्या निवारणासाठी उडपी-कर्नाटक येथील प्रसाद नेत्रालय सुपर स्पेशालिटी डोळ्यांच्या हॉस्पिटलशी सामंजस्य करार केला आहे.

Goa Education
Goa Unsafe Buildings: नौदलाच्या असुरक्षित इमारती रडारवर

या सर्व सुविधा, सरकारी व निमसरकारी शाळेतील प्राथमिक, माध्यमिक व उच्च माध्यमिक विद्यार्थ्यांना मोफत दिल्या जातील, अशी माहिती शिक्षण खात्याचे संचालक झिंगडे व मूल्यमापन संचालनालयाचे संचालक सक्सेना यांनी दिली. या योजनेतर्गंत २,०५,०२९ विद्यार्थ्यांची तपासणी केली जाणार आहे.

पर्वरी येथील शिक्षण संचालनालयाच्या सभागृहात शुक्रवार शैलेश झिंगडे व सक्सेना यांनी पत्रकार परिषदेत ‘व्हिजन फॉर ऑल’ योजनेची माहिती दिली.

झिंगडे म्हणाले की, या कार्यक्रमाचा एक भाग म्हणून येत्या २८ जानेवारी २०२४ रोजी रवींद्र भवन, साखळी आणि ३० जानेवारी २०२४ रोजी राजीव गांधी कला मंदिर, फोंडा येथे सरकारी व निमसरकारी शाळांतील ९०० शिक्षकांना प्रशिक्षण देण्यात येणार आहे.

Goa Education
Goa Police: लाच घेण्याच्या घटनांत पोलिसांचा वाढता सहभाग

डोळ्यांची तपासणी करुन त्यातील दोष कमी करण्याचा सरकारचा प्रयत्न आहे. शाळेतील विद्यार्थ्यांसाठी हा उपक्रम अत्यंत उपयोगी ठरणार असून त्याची सुरुवात ९ सप्टेंबरपासून होणार आहे. या योजनेसाठी राज्यातील शिक्षकांना खास प्रशिक्षण देण्यात दिले आहे. ही योजना विद्यार्थ्यांसाठी अतिशय महत्त्वाची ठरणार असल्याचेही झिंगडे यांनी पत्रकार परिषदेत सांगितले.

दोन टप्प्यांत तपासणी

पहिल्या टप्प्यात १,४४८ शाळांतील २,०५,०२९ विद्यार्थ्यांची तपासणी तर दुसऱ्या टप्प्यात २९,७२५ विद्यार्थ्यांची तपासणी केली जाणार आहे. विद्यार्थ्यांमध्ये दृष्टिदोष आढळल्यास त्यांच्यावर उपचार केले जातील तसेच अशा विद्यार्थ्यांना इतर सुविधा प्रदान केल्या जातील, असेही झिंगडे यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com